[transcription partielle, fol. 47] C'est assavoir, ung dyament en table et ung ruby en cabochon, L escuz pour troys perles orientalles en faczon de poires, XVIII escuz pour ung ruby en oeuvre, XII escuz d'or couronne pour une table de saphir en oeuvre, sept escuz ensemble pour demourer quicte de XLII s. faisant moictié de IIII l. IIII s. Plus, de VIII s. de la moictié d'une chartee de foing. Plus, de XIIII l. receues pour Thomas Fichepain. Plus, de XIIII l. XII s. baillez par ledit estably a ladite veufve. Plus, XIX l. X s.t. pour moictié d'une bauge de foing avecques les arreraiges de troys annees de la rente deue pour la moictié des prez d'Aubraye communs entre ledit Boucault et veufve qui escherront a la saint Jehan Baptiste prouchaine venant. Plus, en ung chappeau en collier d'argent doré ouquel a XIIII rouzes garniz de perles et pierres baillé pour [illisible] XXX escuz d'or et ung ballay ruby en chasse en or mencionné cy-dessus pour XII escuz d'or. Et de compte final fait ce jourduy entre eulx de toutes et chacunes les choses qu'ilz eurent jamais a besoigner ensemble, tant du vivant dudit deffunct que depuis, en quelque maniere, ne pour quelzconcque cause que ce fesoit de tout le temps passé jusques au jourduy.