Extraits d'un registre de comptes particulier, tenu par le reveceur des deniers communs de la ville de Tours 
, Victor Blondelet, chargé de recevoir l'assiette d'une somme levée sur les habitants de la ville pour assurer les dépenses relatives aux métiers envoyés sur ordre du roi pour le repeuplement d'Arras , et qui fait état de la recette de plus de 5 000 livres engagées par la ville de Tours .
Compte Victor Blondelet, receveur des deniers communs de la ville de Tours , et icy commis par vertu des lettres pactentes du roy notre Sire cy devant coppiees et rendues au commancement de cedit compte, a recevoir l’assiete de la taille mise sur les habitants de ladite ville de Tours pour la despenses des gens de mestier et autres marchans envoiez de par la dite ville demourer en la ville de Arras , nommee Franchise, et par le commandement et ordonnance du roy notredit Sire, et de la despense par luy faicte, ainsi qu’il s’enssuit.
Et premierement
Recepte
Deniers empruntez par ladite ville pour ledit fait.
De Sire Jehan Ruzé, Bourgeoys et eschevin de ladite ville, la somme de mille livre tournois que ladite ville fist emprunter de luy par seigneur Loys de la Meziere, lors maire de ladite ville, et autres habitants d’icelle, lesquelx se obligerent a luy de les luy rendre et restituer des premiers deniers de ladite assiete par ce qu’il n’y avoit point d’argent lors contenu en l’ostel d’icelle ville. Et qu’il [f° 1 v°] convient a ladite ville envoiez promptement lesdits gens de mestier en ladite ville d’Arras par le commandement dudit Sire. Ausquelx leur convient bailler argent aino qu’il sera après declairé, pour ce cyM l.t.
Des manans et habitans de ladite ville de Tours , la somme de quatre mil sept cens soixante cinq livres, sept solz, cinq denier tournois, laquelle somme a esté assise et imposee sur lesdits habitans par vertu des lettres du roy notre sire cy-devant coppiees et rendues comme appert par le pappier deladite assiete, baillé a lever par deliberacion de ladite ville à Jehan Detremons et Guillaume Barbotin, sergens du roy notre dit Sire. Ledit pappier signé de maistre Jehan Pellieu, Pichot, Godeau, De Coustances, Chambellain, Laillier, et autres. Cy rendu pour cecyIIIIm VIIc LXV l., VII s., V d.t.
[Dans la marge du second article] Verifié par le papier de ladite assiete montant a ladite somme, signé Peslieu, Pichot, Godeau, esleuz et autres officiers.
Aussi est apparu de la deliberacion de ladite ville touchant la commission desdits Tiemont et Barbotin sergens, etc.
Somme toute de ladite recepte Vm VIIc LXV l., VII s., V d.t.
Options de consultation
