Quittance donnée par Jehan Pichon à Symone, veuve de Pierre Pichon, et leurs enfants, pour le paiement des moissons, pensions et autres choses dues jusqu'à ce jour.
Jehan Pichon, demourant a Bercheres la Maingot 
, quicte a tousioursmes Symone, veusve de feu Pierre Pichon, demourant a Sours , et les enffans de sondit feu mary et d’elle, a ce presente et acceptant, de toutes et chacunes les moisons, pensions et autres choses generalement quelzconques, en quoy lesdits deffunct, veusve et leursdits enffans furent ou peurent oncques estre tenuz envers ledit Jehan Pichon, de tout etc jusques aujourduy. Ceste quictance faicte moyennant bon et payement et satisfacion, que pour ce ladite veusve et sesdits enffans en ont pour ce faiz et payez audit Jehan Pichon, comme etc, dont quicte come dessus etc. Presens a ce pour tesmoings Jehan Dalompne, demourant a Chamblé , et Jehan Brebier, demourant a Chartres .
