Marin Bercher, demourant a Sonchamp , confesse qu’il estoit et est tenu envers plusieurs personnes, ses creanciers, en certaines sommes de devers, et mesmement envers Perrete, fille de feu Loys Regnier, demourant audit Sonchamp , en la somme de quatre livres quatre solz tournois, pour les despens d’un proces, en quoy ledit Bercher a esté condampné envers elle par devant l’official de Chartres , pour laquelle somme ladite Perrete a fait admonester ledit Marin Bercher, et double qu’elle le face excommunier. e Pour lequel excommument fuyr et eviter par ledit Bercher, obstant qu’il n’a de quoy satisfaire ne payer a sesdits creanciers, pour plusieurs fortunes qui luy sont survenues, et a ce qu’il soit filz de l’Eglise, renonce a tous ses biens au prouffit de ladite Perrete et de tous sesdits autres creanciers etc, protestant etc, dont etc. Et desquelles choses ledit Marin Bercher requist lectre audit tabellion etc. Presens a ce pour tesmoings Jehan Brebier et Robert Pousteau, demourans a Chartres