Jaquet Michon et Phelipe, sa femme, auctorisee etc, demourans a Dalonville , parroisse de Baillau l’Evesque , vendent etc a tousioursmes a Francoys Preudomme, demourant a Senermont en ladite parroisse, acheteur, present etc, une maison et jardin cloz a murs de baulche, si comme tout etc, assis audit lieu de Senermont , juxte la rue dudit lieu d’une part, et les hoirs feu Guillemin Bercher d’autre part, abutant d’un bout a Gilot Bercher, et d’autre bout aux fronz dudit Senermont . En la censive de l’evesché de Chartres , a telles charges et reddevances comme etc. Heritaige a ladite Phelipe etc. Vente faicte pour vingt livres tournois, dont etc. Promectant et garantissant, obligeant, renoncant etc. Presens a ce pour tesmoings Gilot Bercher, demourant audit lieu de Senermont , et Jehan Brebier, demourant a Chartres .
^(a) Ledit acheteur ausdits vendeurs ladite some de XX livres tournois pour ladite vendicion, etc. A payer c’est assavoir la moictié a la sainct Jehan Baptiste prouchaine venant, et l’autre moictié a la sainct Remy aussi prouchaine venant. Obligeant, renoncant etc. Presens a ce lesdits tesmoings.

(a) Minute suivante dans le registre.