Ledit Guillemyn Duboys quicte a tousioursmes ledit Georget Brossart, en son nom, et les enffans mineurs d’ans de feu Jehan Brossart, en la personne et presence de Richart Brossart, leur tuteur et curateur, a ce presens, leurs hoirs etc, de toutes et chacunes les moisons deues et escheues de tout le temps passé jusques a la sainct Remy derniere passee comprinse, a cause de certaines mestoiries assises a Chamblé paroisse de Bercheres l’Evesque , appartenant a la femme dudit Duboys. Ceste quictance faicte moyennant bon payement et agreable compensation et satisfacion, que pour ce lesdits Georget et Richart Brossars en ont paiez, faiz etc, dont etc, quicte come dessus etc. Presens a ce pour tesmoings ledit Thomas Lospitau et Guillaume Beuille, demourant a Gellainville pres Chartres .