Jehan Girart, demourant a Chartres en la parroisse Sainct Hylaire, a Colas Lebeau, marchant cordonnenier, demourant audit Chartres , XX livres tournois, qui entre autres choses, par ledit Girart avoient esté promis payer et bailler audit Lebeau au traicté de mariaige faisant entre Lebeau et Jehanne, sa fiancee et future espouse, fille dudit Girart, a payer dix livres tournois dedans quinze jours, et les autres dix livres tournois dedans la Toussains prouchaine venant. Item ledit debteur a promis et promect, comme dessus, audit creancier, luy bailler et livrer deux chapperons neufz a usaige de femme du drap dudit debteur qui est a la taincture, une robbe noire fourree de penne noire bonne et convenable, comme a enffans de bonne maison appartient, et une serge neuf neusve pour ung lit. A payer c’est assavoir lesdit chapperons a la sainct Jehan Baptiste, et ladite robbe et serge a Noel, le tout prouchain venant. Obligeant, renoncant etc. Presens a ce pour tesmoings Guillot Moreau, tuillier, et Guillaume Servant, demourans a Chartres