Aignen Boisson, demourant a Bercheres l’Evesque , baille a ferme et loyer d’argent, du jourduy jusques a la sainct Remy prouchaine venant, et d’icelluy jour jusques a ung an etc, a Jehan Liger, carrier, demourant, preneur, present etc, troys mines de terre ou l’en souloit faire des garances, prinses en ung muy de terre assis au terrouer des Pontelles, juxte les Everars d’une part, et les hoirs feu Guillot Dutemple d’autre part, abutant d’un bout a maistre Symon Le Doyan, et d’autre bout aux Chereaulx. Cest bail fait pour XX solz tournois, dont en a esté payé et baillé par ledit preneur audit bailleur XI solz tournois, dont etc, et le surplus, qui est IX solz tournois, ledit preneur sera tenu les payer et bailler audit bailleur dedans le jour et feste sainct Denis prouchain venant. Promectant etc et garantissant. Obligeant, renoncant etc. Presens a ce pour tesmoings Loys Hauldry, demourant a Bercheres l’Evesque , et Jehan Brebier, demourant a Chartres .