Jehanne Giborne, vesve de feu Michel Peschoit, jadis escuier, confessa avoir eu et receu et receu^(a) en presence, de Jehan Desert, Alixandre Desert, Guillaume Fer Fromont et Jaquet Fourre la some de dix livres tournois, en quoy feu Hubert Desert estoit obligé a ladite vesve et audit Peschoit, pour cause de prest, et dont il estoit obligé come appert par lectres faictes et passees soubz le scel de ceste court. Icelle obligation comprinse es lectres de prinse faicte par ledit deffunct, desdits Peschoit et vesve, de la mestairie d’Alouville come apert par lesdites lectres. Quictant etc, pour faire acquicter.

(a) sic.