Messieurs, Monsieur Pierre Phelippeaulx, present porteur, commis en vostre ville de Tours a recevoir les deniers que le roy a allienez au corps de ceste ville sur les greniers de la generallité dudit Tours , nous a faict entendre le plaisir qu’il a receu de vous durant tous ces troubles passez, tant pour la conservation de ses deniers que de sa personne et famille, dequoy nous n’avons pas voullu faillir a vous remercier par la presente et de rechef vous recommander ledit Phelippeaulx. Et, si en autre endroict nous pouvons quelque chose pour vous ou aucun des habitants de vostredite ville, vous nous trouverez bien prestz de vous faire plaisir et d’aussi bon cueur que nous nous recommandons a voz bonnes graces, priant nostre seigneur qu’il vous doient, Messieurs, en santé longue et heureuse vie. De Paris , ce XXVI^e jour d’aoust 1568.
Voz freres et meilleurs amys les prevost des marchans et eschevins de la ville de Paris .
[Signé] Bachelier

[Suscription] A Messieurs, Messieurs les maire et eschevins de la ville de Tours .