Monsieur Cothereau⁽¹⁾, vous verrez les lettres que j’escrips aux habitants de ma ville de Tours , tendant a estre secouru d’eulx d’une bonne somme de deniers, pour subvenir aux despences qu’il me convient supporter pour la guerre. Faictes moy ce service, comme je me prometz de vous, que de vous emploier a y disposer lesdicts habitans, et vous assurant qu’en meilleure occasion vous ne me scauriez tesmoigner l’affection qu’avez a mon service, laquelle je recongnoistray vollontiers en endroitz qui se presenteront de vous faire du bien; et, en cette vollonté, je prie dieu qu’il vous ait, Monsieur Cothereau, en sa saincte et digne garde. D’Espernon, le XXII^e jour d’avril 1591.
[Signé] Henry
[Signé] Potier

[Suscription] A Monsieur Cotereau, maire de ma ville de Tours .

(1) Claude Cottereau est maire de Tours en 1590-1591, mais aussi trésorier de France.