Enregistrement dans un registre de délibérations de lettres de Catherine de Médicis suite à la présentation d'une requête au conseil du roi par le comte de Sancerre 
, relative a certains biens de celui-ci dans la ville de Tours .
De par la royne
Chers et bien amez, notre cher et amé cousin conte de Sancerre a faict presenter au roy monseigneur la requeste que vous trouverez cy dedans enclose, lequel a ce qu’il a faict entendre a nous et aux gens de son conseil icy establiz aupres de notre personne [f° 87 v°] il n’a trouvé aucunement raisonnable que soubz umbre de l’edict par luy dernierement decerné touchant les cens et rentes foncieres non rachaptables, vous aydez peu ne peussiez en cela comprendre le feage, peage et commeandise de Tours appartenant a notredit cousin, actendu mesmement la qualité dicelluy et que cy devant il a esté baillé par les predecesseurs dudit seigneur par contraict d’eschange a ceulx de notredit cousin dont il s’offre faire apparoir ainsi que urg par ladite requeste que le roy nous a envoyé et ordonne vous faire entendre la dessus son vouloir et intencion qui est tel qu’il ce veult aucunement une soubz umbre dudict edict, vous procediez a la saisine dudict fief et feage lequel il n’a jamays entendre y devoir estre compris et si aucun saissement en avoit ja esté faict, il veult et entend que vous le levez et mectez incontinant et sans delay a plaine delivrance et que en cela vous ne faictes faulte. Donné a Saint Germain en Laye , le XXIIIe jour d’aoust mil Vc LIII. Signé Caterine et au bas Bochetel. Et sebscriptes : A noz bien amez les maire eschevins, manans et habitans de notre bonne ville de Tours (1).
Notes :
(1) Lettre suivie de la supplique du comte de Sancerre au roi sur le même sujet (f°87 v° à 88 v°).
