Symon Loiseau, bouchier, demourant en la paroisse de Sainct Medart es forsbours de Chasteaudun , confessa avoir vendu, cedé, quicté, transporté et delessé de maintenant a touzioursemes a Guillaume Borillon l’Esné, barbier, et a Ysabeau, sa femme, demourans en ladite paroisse, ad ce presens et acteptant ladite vente pour eulx etc, sept pailleaux de vieille vigne ainsi qu’ilz se comportent et poursuivent assis au cloux de Quiquent Groigne, tenant d’un cousté a Jehan Loiseau, d’autre cousté audit vendeur, abutant d’un bout au chemin qui va de Chasteaudun a Sainct Ladre, d’autre bout aux gasts de Sainct g Gile, chargez de vingt denier parisy de cens envers le sieur a qui il est deu au jour acoustumé, et de huit deniers tournois de disme chacun an envers les religieux abbesse et couvent amy. Mouvant du conquest audit vendeur, sicome etc. Ceste vente faite pour la somme de quatre livres dix solz tournois, paiez en presence trente solz tournois, et le surplus paravant, et dont etc. Quictant etc, dessaisine etc, saisine etc. Promectant non venir contre etc, garantissant etc, obligeant etc, renoncant etc.