Jehanne, veusve de feu Perrin Delaporte, demourant a Chasteaudun , confesse avoir donné, cedé et transporté des maintenant a touzioursmes a Robin Delaporte, son filz, escal escollier estudient a Pavye en Avignon , ad ce present et acteptant ledit don Jehan Delaporte, son frere aussi filz de ladite Jehanne, pour ledit Robin son frere, pour ses hoirs et aians cause, une masure et courtil assis es forsbours de Chasteaudun a la porte Blesaze ainsi qu’ilz se comportent et poursuivent, tenant d’un cousté a Jehan Menchault, d’autre cousté au long de la ruelle en alant en Beaurepere, abutant d’un bout a la rue qui va de la Fleur de Lis a Sainct Francois, d’autre bout a Jehan Perrault, cordonnier. En censif de Perrin de Sainct Gile, a sept deniers maille de cens, paiables le jour sainct Vallerien. Cest don et transport faiz par ladite donneuresse audit Robin, son filz, pour la grant amour qu’elle a a lui et pour lui, audit a avoir ses vestemens et autres, ses nectessitez audit estude et dont etc. Dessaisine etc, saisine etc. Promectant non venir contre etc, obligeant etc, renoncant etc.