Marguerite, femme de Noel Neron, demourant a Chasteaudun , ladite femme suffisament auctorisee etc. Laquelle, de l’auctorité de sondit, a renoncé et renonce par ces presentes a la prinse que firent en leurs vivans feu Jehan Guerin l'esné et feue Gilete, sa femme, pere et mere de ladite Marguerite, des maistre et freres de la Maison Dieu de Chasteaudun , de une maison couverte d’essorne assise en la ville de Chasteaudun en la Grant Rue devant la boucherie, tenant d’une part a la rue qui vait de ladite boucherie a la court a l’Ormetelle, et d’autre part a la maison de Estienne Guerin, a certaines vies a certaine rente ou ferme. De laquelle maison ladite Marguerite a la droit et cause sicomme elle disoit. Ladite renonciacion faicte pour et au prouffit desdits maistre et freres presens et acteptans icelle, qui l’ont quictee et deschargee d’icelle maison et de la rente et des repparacions qu’elle en estoit tenue faire et paier, et demeurent les lectres de bail et prinse qui sur ce en avoient esté faictes et passees nuelles et de nulles valleurs. Promectant de chacune partie non venir contre etc, obligeant etc, renoncant.