[F°78 r°] Couvreux

A Germain Petitgars, Chripofle Mauclerc et Jehan De Lalay, couvreux demorans a Tours , pour avoir couvert d’ardoise fine ou temps dessusdit un grant corps de maison que le roy notre sire font de present bastir audit chastel nomme sa maison des cuisines contenant vingt toise de long avecques les galleries joinctes audit corps de maison et les pavillons de viz et montees d’iceluy et aussi toutes les lucarnes d’icellui corps grande et petite et fourny d’ardoise, lathe, chanlathe, clou et autres choses necessaires aplain declarees ou marche sur ce fait avecques eulx a esté payé pour tout et par cedit commis par vertu dudit roolle comme par sa quictance cy rendue appert, la somme de
VI^c l. t.

A Pierre Beauhardi pour cinq toises de goutieres par lui bailles ou temps dessusdit pour servir aux maçons a faire couler le mortier du hault en bas au pris de III s. la toise a esté payé par cedit commis par vertu dudit roolle comme par sa quictance cy rendue appert, la somme de
XX s.

Somma VI^c I l. t.

Plombeurs

[F°78 v°] A Jehan Rousseau, maistre plombeur, pour LXVI journees par lui mises et emploiees a plomber audit corps de maison et ailleurs ou il a esté necessaire audit chastel durant le temps dessusdit au pris de X s. par jour a esté payé par cedit commis par vertu dudit roolle comme par sa quictance cy rendue appert, la somme de
XXXIII l. t.

A Loys Constely, aussi plombeur, pour LVIII journees par lui mises et employes comme dessus au pris de VI s. par jour a esté payé par cedit commis par vertu dudit roolle comme par sa quictance cy rendue appert, la somme de
XVII l. VIII s.

A Anthoine Fevre pour LVI journees au prisde IIII s. II d. par jour a esté payé par cedit commis par vertu dudit roolle comme par sa quictance cy rendue appert, la somme de
XIII l. XV s.

A Pierre Thibault pour VI journees au prisde III s. IX d. par jour a esté payé par cedit commis par vertu dudit roolle contenant quictance, la somme de
XXII s. VI d.

Somma LXV l. V s. VI d.

Achapt de plomb estain et souldure

A Fremyn Perier pour le nombre de dix huit milliers ving huit livres plomb au poys dudit Amboise par [F°79 r°] lui baillé et livré ou temps dessusdit au port dudit lieu pour mectre et employer au fait desdits ediffices au pris de XXIII l. XIX s. et II d. le millier qui est XLVII s. IX d.t. le cent et V d. ob. pire la livre a esté payé par cedit commis par vertu dudit roolle comme par sa quictance cy rendue appert, la somme de
III^c XXXI l. VIII s. V d.

A Loys Constely pour le nombre de sept vings six livres estaing par lui baillé et livré ou temps dessusdit pour employer au fait desdits ediffices au pris de III s. la livre a esté payé par cedit commis par vertu dudit roolle comme par sa quictance cy rendue appert, la somme de
XXI l. XVIII s.

Somma IIII^c LIII l. VI s. V d.