[F°118 r°] Perriers pour ce present quartier Neant

Pierre de taille et moison

A Jehan Huguet dit Billect, perrier de Bourray , pour ung cent de quartiers de pierres de Bourray par lui baillez et livrez au port dudit Amboise ou temps dessusdit pour employer ausdits ediffices a esté payé par cedit commis par vertu dudit roolle comme par sa quictance cy rendue laquelle servira sur la partie sur la partie prouchaine ensuivant appert, la somme de
X l. t.

A lui pour douze cens et demy de pierres pendans dudit lieu de Bourray par lui baillé pour employer comme dessus au pris de 35 s. le cent a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
XXI l. XVII s. VI d.

A Loys Benardet, perrié de Bourray , pour le nombre de seize cens de pierres pendans par lui baillez et livrez audit port d’Amboise ou temps dessusdit pour employer esdits edifficesau pris de 35s. le cent a esté payé par cedit commis par vertu dudit roolle comme par sa quictance cy rendue appert, la somme de
XXVIII l. t.

[F°118 v°] A Macé Marchant pour demy cent de quartier de pierre de Sainct Aignen par lui bailleez et livrez comme dessus pour employer esdits edifices au pris de XXVII l. X s. le cent a esté payé par cedit commis par vertu dudit roolle comme par sa quictance cy rendue appert, la somme de
XIII l. XV s.

A Jehan Legier, perrier, pour le nombre de sept cens troys quarterons quartiers de pierre de la perriere de Malevau par lui baillez et livrez au port dudit Amboise ou temps dessusdit pour employé esdits ediffices au pris de VI s. le cent a esté payé par cedit commis par vertu dudit roolle comme par sa quictance cy rendue laquelle servira sur les parties ensuivans appert, la somme de
XLVI l. X s.

A lui pour demy cent de quartiers de la perriere de Limeré par lui baillé et livrée au port dudit Amboise ou temps dessudit pour employer esdits ediffices au pris de XVII l. t. le cent a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
VIII l. X s.

A lui pour une toise et ung quartier de toise de pavé dudit Limeré par lui baillé et livrée et pour employer comme dessus est dit au pris de XXV s. la toise a esté payé par cedit commis par vertu dudit [F°119 r°] roolle comme par sa quictance rendue cydessus appert, la somme de
XXXIII s. IIII d.

A lui pour ung cent de quartiers de pierre de Bourray [sic] par lui baillé pour employe comme dessus a esté payé par cedit commis par vertu dudit roolle comme par sadite quictance cy devant rendue servant cy appert, la somme de
IX l. t.

A lui pour XXVIII sentines de moison de la perriere de Malevau par lui baillé et livré au port dudit Amboise ou temps dessusdit pour employer comme dessus au pris de VII s. VI d. la sentinee a esté payé par cedit commis par vertu dudit roolle comme par sa quictance cy devant rendue appert, la somme de
X l. X s.

A lui pour une journee de son corps par lui mise et employee ou temps dessusdit a faire charger des aulnes au lieu de Pieagu amener audit chastel pour le fait du puys qui y a esté nouvellement fait a esté payé par cedit commis par vertu dudit roolle comme par sa quictance cydessus rendue servant cy appert, la somme de
III d.

A lui pour troys journees de charroy faictes ou temps dessusdit savoir est de a amenér lesdits aulnes dudit lieu de Pitagu audit chastel et une journee a mener du boy carré dudit lieu d’Amboise au pont [F°119 v°] des Sougeraiz pour abiller ledit pont pour la plaisir dudit sieur pour aller a ses ebatz au pris de dix s. chacunes journee a esté payé par cedit commis par vertu dudit roolle comme par sa quictance dessus rendue appert, la somme de
XXX s.

A Jacques Bonnevie, perrier de la perriere de La Ronde pres Loches , pour seize petites marches par lui baillees et livrees sur ladite perriere ou temps dessusdit pour employer ausdits ediffices au pris de VII s. VI d. piece a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
VI l. t.

A lui pour quinze toises un quart et demy de pavé plat par lui baillee et livre comme dessus pour employer comme dessus est dit au pris de XV s. la toise a esté payé par cedit commis par vertu dudit roolle comme par sa quictance cy rendue sur la partie precedent servant cy appert, la somme de
XI l. X s. VII d. ob. t.

A Jehan Tymer, perrier audit lieu de La Ronde, pour ung grant pillier de pierre de ladite perriere par lui baillé et sur ladite perriere pour employer comme dessus a esté payé par cedit commis par vertu dudit roolle comme par sa quictance cy rendue laquelle servira sur les deux parties ensuivant appert, [F°120 r°] la somme de
XXV s.

A lui pour seize petites marche par lui baillees sur ladite perriere pour employ comme dessus au pris de VII s. VI d. piece a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
VI l. t.

A lui pour quatorze toises troys quars et demy de pavé large par lui baillee sur ladite perriere pour employer esdits ediffices au pris de XV s. la toise a esté payé par cedit commis par vertu dudit roolle comme par sa quictance cydessus rendue appert, la somme de
XI l. III s. I d. ob. t.

A Pierre de Beaulieu, perrier de La Ronde, pour troys troys toise troys quars de pavé large par lui baillé et livré ou temps dessusdit sur ladite perriere pour employe comme dessus audit pris de XV s. la toise a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
LVI s. III d.

A lui pour sept petites marches par lui baillees comme dessus et pour employer ainsi que dessus est dit au pris de VII s. VI d. piece a esté payé par [F°120 v°] cedit commis par vertu dudit roolle comme par sa quictance cydesus rendue servant cy appert, la somme de
LII s. VI d.

A Philipoin Sourdeau pour dix huit toises et demye quart de pavé de ledite perriere de La Ronde par lui baillé et livré sur icelle pour emploier comme dessus audit pris de XV s. la toise a esté payé par cedit commis par vertu dudit roolle comme par sa quictance cy rendue appert, la somme de
XIII l. XIX s. IV d. ob. t.

A Loys Amangeart pour avoir fait amenér par son charroy a troys chevaulx de ladite perriere de la ronde audit chastel ung grant pillier de pierre cydessus baillé par Jehan Tymer ou temps dessusdit pour employer esdits ediffices a esté payé par cedit commis par vertu dudit roolle comme par sa quictance cy rendue laquelle servira sur les deux parties prouchaines ensuivans appert, la somme de
XXV s.

A lui pour la voicture d’une petite marche de ladite perriere amenée comme desus a esté payé par cedit commis par vertu dudit roolle comme par sa quictance cy rendue appert, la somme de
VII s. VI d.

A lui pour la voicture de huict toises et demye et [F°121 r°] de piedz demy de pavé large amené de ladite perriere dudit chastel au pris de XVIII s. t. la toise a esté payé par cedit commis par vertu dudit roolle comme par sa quictance cy rendue appert, la somme de
VII l. XIIII s.

A Martin Palu, charretier, pour la voicture ou charroy de treiz petites marches par lui amenées de ladite perriere de La Ronde audit chastel ou temps dessusdit au pris de VII s. VI d. piece a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
IIII l. XVII s. VI d.

A lui pour le charroy de six toises vingt ung pie et demy de pavé large amené depuis ladite perriere audit chastel ou temps dessusdit au pris de XVIII s. la toise a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
CXVIII s. IX d. t.

A Pierre Charruau, charretier, pour le charroy de dix petite marches de pierres fait depuis la dite perriere de La Ronde jusques audit chastel ou temps dessusdit au pris de VII s. VI d. piece a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
LXXV s.

[F°121 v°] A lui pour le charroy de huit toises ving cinq piez de pave amenée ou temps dessusdit a ladite perriere jusques audit chastel au pris de XVIII s. la toise a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
VII l. XVIII s. IX d.

A Mathurin Dumyn, charretier, pour le charroy de sept toises de pavé large par lui amené ou temps dessusdit de ladite perriere de La Ronde audit chastel pour employer ausdits ediffices au pris de XIII s. la toise a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
VI l. VI d.

A lui pour le charroy de quatre petite marches de pierres amenée comme dessus au pris de VII s. VI d. piece a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
XXX s. t.

A Michaud D’Espaigne, charretier, pour le charroy et voicture de quatre petites marches de pierre de ladite perriere amenées ou temps dessusdit depuis icelle jusques audit chastel audit pris de VII s. VI d. piece a esté payé par cedit commis par vertu dudit roolle comme par sa quictance cy rendue laquelle servira [F°122 r°] sur la partie ensuivant appert, la somme de
XXX s.

A lui pour le charroy de troys toises vingt piez et demy de pavé par lui amené comme dessus au pris de XVIII s. la toise a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
LXIIII s. III d.

A Pierre Poupineau, charretier, pour le charroy et voicture de cinq toises troys quars et demy de pavé amené ou temps dessusdit deladite perriere de La Ronde audit chastel pour employe comme dessus au pris de XVIII s. t. la toise a esté payé par cedit commis par vertu dudit roolle comme par sa quictance cy rendue appert, la somme de
CV s. IX d.

A Colas Le Paige, charretier, pour la voicture et charroy de quinize piedz de pavé amené de ladite perriere audit chastel ou temps dessusdit au pris de XVIII s. la toise a esté payé par cedit commis par vertu dudit roolle contenance quictance en la fin, la somme de
VII s. VI d.

A lui pour le charroy d’une petite marche de pierre amenée de ladite perriere audit chastel ou temps dessusdit a esté payé par cedit commis par vertu dudit roolle contenant quictance, la somme de
VII s. VI d.

[F°122 v°] A Pierre Davy, charretier, pour le cahrroy et voicture de huit toises trois quars de pavé par lui amenée ou temps dessusdit de ladite perriere de La Ronde audit chastel pour employer esdits ediffices au pris de VIII s. la toise a esté payé par cedit commis par vertu dudit roolle comme par sa quictance cy rendue appert, la somme de
VII l. XVII s. VI d.

A Pierre Fontenelle, charretier, pour le charroy de quatre petites marches par lui amenées de ladite perriere audit chastel ou temps dessusdit au pris de VII s. VI d. piece a esté payé par cedit commis par vertu dudit roolle comme par sa quictance cy rendue laquelle servira sur la partie prouchanne ensuivans appert, la somme de
XXX s.

A lui pour le charroy d’une toise vingt piez de pavé par lui amené ou temps dessusdit de ladite pierre audit chastel pour employer comme dessus audit pris de dix huit solz la toise a esté payé par cedit commis par vertu dudit roolle comme par sa quictance cy devant rendue servant cy appert, la somme de
XXVIII s.

A Guillaume Branchu, perrier de Malevau, pour deux cens ung quarteron de quartiers de pierre de la perriere de Malevau par lui baillé et livré au port dudit Amboise ou temps dessusdit pour employer esdits ediffices au pris de VI l. t. le cent a esté payé [F°123 r°] par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
XIII l. X s.

A lui pour quinze centines de moison de ladicte perriere par lui bailé et livré comme dessus pour employer esdits ediffices au pris de VII s. VI d. la centine a esté payé par cedit commis par vertu dudit roolle comme par sa quictance cy rendue sur la partie precedent servant cy appert, la somme de
CXII s. VI d.

A Pierre Bordebure, aussi perrier de Malevau, pour le nombre de cinq cens quartiers de pierre de ladite perriere par lui baillez et livrez ou temps dessusdit au port dudit Amboise pour employe esdits ediffices au pris de VI l. le cent a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant, la somme de
XXX l. t.

A lui pour XXIIII sentines de moison de ladite perriere par lui baillee et livree comme dessud et pouremployer comme dessus est dit au pris de VII s. VI d. la centine a esté payé par cedit commis par vertu dudit roolle comme par sa quictance rendue sur la partie precedent appert, la somme de
CV s.

A Jehan Horgerion, perrier dudit Malevau, pour [F°123 v°] cinq cens troys quarterons de quartiers de pierre de ladite perriere par lui baillez et livrez au port dudit Amboise ou temps dessusdit pour employer comme dessus au pris de VI s. t. le cent a esté payé par cedit commis par vertu dudit roolle comme par sa quictance cy rendue laquelle servira sur la partie ensuivans appert, la somme de
XXXIII l. X s.

A lui pour dix sentines de moison de ladite perriere par lui baillé et livré comme dessus au pris de VII s. VI d. la centine a esté payé par cedit commis par vertu dudit roolle comme par sa quictance cy rendue sur la partie precedent servant cy appert, la somme de
LXXV s.

A Michaud Chausson, perrier dudit Malevau, pour huit cens ung quarteron de quartiers de pierre de ladite perriere par lui baillé et livré au port dudit Amboise ou temps dessusdit pour employer esdits ediffices au pris de VI l. le cent a esté payé par cedit commis par vertu dudit roolle comme par sa quictance rendue laquelle servira sur la partie ensuivant appert, la somme de
XLIX l. X s.

A lui pour quarentes deux sentines de moison de ladite perriere par lui bailé et livré comme dessus audit pris de VII s. VI d. la centine a esté payé par cedit [F°124 r°] commis par vertu dudit roolle comme par sadite quictance sur la partie precedent servant cy appert, la somme de
XV l. XV s.

A Lyon Coustaulx, aussi perrier dudit Malevau, pour deux cens troys quarterons de quartiers de pierre dudit Malevau par lui baillé et livré comme dessus audit pris de VI l. t. le cent a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
XVI l. X s.

A lui pour quatre sentines de moison de ladite perriere par lui baillé et livré comme dessus audit pris de VII s. VI d. la centine a esté payé par cedit commis par vertu dudit roolle comme par sadite quictance rendue sur la partie precedent servant cy appert, la somme de
XXX s. t.

A Florentin Boullay, perrier dudit Malevau, pour troys cens quartier de pierre desdites perrieres de Malevau par lui bailé et livré ou temps desusdit au port dudit Amboise pour employer esdits ediffices au pris de VI l. t. le cens a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant [F°124 v°] appert, la somme de
XVIII l. t.

A lui pour unze sentines de moison de ladite perriere par lui baillé comme dessus audit pris de VII s. VI d. la centine a esté payé par cedit commis par vertu dudit roolle comme par sa quictance cy rendue sur la partie precedent servant cy appert, la somme de
IIII l. II s. VI d.

A Françoys Allaire, perrier, pour deux cens de quartiers de pierre de ladite perriere de Malevau par lui baillee comme dessus pour employer ainsi comme devant est dit a esté payé par cedit commis par vertu dudit roolle comme par sa quictance cy rendue appert, la somme de
XII l. t.

A Yvonnet Marrau, perrier, pour troys cens ung quarteron de pierre de ladite perriere des caves pres le couldray par lui baillez et livrez au port dudit Amboise ou temps dessusdit pour employer comme dessus au pris de huit livre tournois le cent a esté payé par cedit commis par vertu dudit roolle comme par sa quictance cy rendue appert, la somme de
XXVI l. t.

A Guillaume Briçonnet de Sainct Aignen pour douze grans plotz [sic] et six demyz blotz de pierre de la perriere de tierriz pres ledit lieu de Sainct Aignen par lui baillez et livrez ou temps dessusdit au port dudit [F°125 r°] Amboise pour employer comme dessus au pris de XV s. chacun grant botz et VII s. VI d. chacun demy blot a esté pour ce payé par cedit commis par vertu dudit roolle comme par sa quictance cy rendue appert, la somme de
XI l. V s.

A Jehan Nesson pour le nombre de deux cens quartiers de pierre de ladite perriere de Terriz par lui baillez et livrez ou temps dessusdit au port dudit Amboise pour servir a faire blotz et clervoyes pour le fait desdits ediffices au pris de XV s. piece a esté payé par cedit commis par vertu dudit roolle comme par sa quictance cy rendue appert, la somme de
CL l. t.

A Jacquet Flenoy, perrier de Bourray , pour ung cent cinq quartiers de pierre de ladite perriere de Bourray par lui baillez et livrez au port dudit Amboise ou temps dessusdit pour employer esdits ediffices au pris de VII l. X s. le cent a esté payé par cedit commis par vertu dudit roolle comme par sa quictance cy rendue appert, la somme de
VII l. XVII s. VI d.

A Estienne Patin, perrier de la perriere de Lussault, pour le nombre de troys cens et demy de quartiers de pierre de ladite perriere par lui baillez et livrez ou temps dessusdit au port dudit Amboise pour employer comme dessus au pris de VIII l. t. le cent a esté payé [F°125 v°] par cedit commis par vertu dudit roolle comme par sa quictance cy rendue appert, la somme de
XXVIII l. t.

Audit Patin et Jehan Vault, aussi perrier, pour ung cent et demy de quartiers de pierre du Bas Lusault par eulx baillé et livré comme dessus de la perriere du Roys au pris de cent solz le cent a esté payé par cedit commis par vertu dudit roolle comme par leur quictance cy rendue laquelle servira sur la partie ensuivant appert, la somme de
VIII l. V s.

A eulx pour quarante quatre chalandes de moison de ladite perriere par eulx baillé et livré comme dessus et pour employer ainsi que dessus est dit au pris de XV s. la chalande a esté payé par cedit commis par vertu dudit roolle comme par leurdit quictance rendue sur la partie precedent servant cy appert, la somme de
XXXIII l. t.

A Jehan Vault, perrier dudit Lusault, pour le nombre de troys cens quartiers de pierre du Bas Lussault par lui baillez et livrez comme dessus pour employer ainsi que dessus est dit aupirs de VIII l. t. le cent a esté payé par cedit commis par vertu dudit roolle comme par sa quictance cy rendue appert, la somme de
XXIIII l. t.

[F°126 r°] A Gervaise Champaigne, aussi perrier, pour le nombre de troys cens quartier de pierre de la periere dudit Bas Lussault par lui baillez et livrez comme dessus audit pris de VIII l. t. le cent a esté payé par cedit commis par vertu dudit roolle comme par sa quictance cy rendue appert, la somme de
XXIIII l. t.

A Jehan Chaillou, perrier dudit Lusault , pour le nombre de quatre cens de quartiers de pierre de ladite perriere par lui baillez et livrez comme dessus au pris de VIII l. t. le cent a esté payé par cedit commis par vertu dudit roolle comme par sa quictance cy rendue appert, la somme de
XXIIII l. t.

A Guillaume Roussigneul aussi perrier dudit Lusault pour le nombre de troys cens et demy de quartiers de ladite perriere par lui bailez et livrez au port dudit Amboise ou temps dessusdit pour employer esdits ediffices audit pris de VIII l. t. le cent a esté payé par cedit commis par vertu dudit roolle comme par sa quictance cy rendue appert, la somme de
XXVIII l. t.

A Jehan De La Salle, aussi perrier de Lusault , pour le nombre de huit cans et dmey de quartiers de pierre de ladite perrier du Bas Lussault par lui baillez et livrez audit port d’Amboise ou temps dessusdit pour employer comme dessus audit pris de VIII l. t. le cent [F°126 v°] a esté payé par cedit commis par vertu dudit roolle comme par sa quictance cy rendue appert, la somme de
LXVIII l.

A Pierre André, perrier de Malevau, pour deux cens et demy de quartier de pierre dudit lieu par lui baillez et livrez ou temps dessusdit au port dudit Amboise pour employer esdits ediffices au pris de VI l. t. le cent a esté payé par cedit commis par vertu dudit roolle comme par sa quictance cy laquelle servira sur la partie ensuivant appert, la somme de
XV l.

A lui pour troys centine de moison de ladite perriere par lui baillé et livré comme dessus est dit au pris de VII s. VI d. la centines a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
XXII s. VI d.

A Jehan Fontenay, perrier de Bouray , par lui baillé et livré au port dudit Amboise ou temps dessusdit pour employer au fait desdits ediffices a esté payé par cedit commis par vertu dudit roolle comme par sa quictance cy rendue appert, la somme de
VII l. V s.

A Guillaume Senault, maistre maçon, pour une pierre [F°127 r°] dure appelé gres par lui baillee pour servir aux maçons a affillez leur mateaux a esté payé par cedit commis par vertu dudit roolle contenant quictance en la fin la somme de
IX s. IX d.

Somma IX^c XLII l. III s. V d. ob.