Couvreux

A Germain Petitgars, Chrispofle Mauclerc et Jehan De Lalay [F°140 r°], couvreux d’ardoise demourans a Tours , pour avoir couvert ou temps dessusdit une gallerie ou montee pour monter a cheval du pié de l’ormmeau estant devant l’eglise Sainct Florentin dudit lieux au grant corps de maison nouvellement fait audit chastel avecques le pavillon estant au bout de la montee et fournir d’ardoise, fine lathe, chanlate, clou grant et petit et autres choses necessaires a ladite construire conpreins en ce la couverture d’une gallerie estant au bait dudit corps de maison du costé devers le danjon dudit chastel et autres choses que lesdits couvreulx ont fourny et fait en oultre et par dessus leur marché de la couverture et gallerie dudit grant corps de maison le tout par marché fait avecques lesdits couvreux par mondit sieur le tresorier Raymond de Dezest commis a faire faire lesdits ediffices a esté payé par cedit commis par vertu dudit roolle comme par leur quictance cy rendue avecques ladite marche appert, la somme de
C s. t.

A Pierre Bauhardi pour III journee au pris de III s. IX d. par jour a esté payé par cedit commis par vertu dudit roolle comme en quictance en la fin, la somme de
XI s. III d.

A Pierre Mahault pour troys journees audit pris a esté payé par cedit commis par vertu dudit roolle [F°140 v°] contenant quictance en la fin, la somme de
XI s. III d.

A Jehan Rachart pour III journees audit pris a esté paié par cedit commis par vertu dudit roolle contenant quictance en la fin, la somme de
XI s. III d.

A Pierre Pelletier pour VIII journees audit pris a esté paié par cedit commis par vertu dudit roolle contenant quictance en la fin, la somme de
XXX s.

A Jehan Godin pour VIII journees audit pris a esté paié par cedit commis par vertu dudit roolle contenant quictance, la somme de
XXX s.

Somma LIIII l. XIII s. IX d.

Plombeurs

A Jehan Rousseau, maistre plombeurs, pour LXIII journee par lui mises et employes ou temps dessusdit a plomber tant audit grant corps de maison que aux galleries et ailleurs ou il a esté necessaire audit chastel au pris de X s. par jour a esté payé par cedit commis par vertu dudit roolle comme par sa quictance cy rendue appert, la somme de
XXXI l. X s.

A Loys Contelly, aussi plombeur, pour LXIIII journees par lui mises et employes comme dessus au pris de VI s. par jour a esté payé par cedit commis par vertu dudit [F°141 r°] roolle comme par sa quictance cy rendue appert, la somme de
XIX l. IIII s.

A Anthoine Fevre pour LXIIII journee au pris de IIII s. II d. par jour a esté payé par cedit commis par vertu la quictance porte XIIII l. VIII d. dudit roolle comme par sa quictance cy rendue appert, la somme de
XIII l. VI s. VIII d.

A Pierre Thibault pour XXXVIII journees audit pris a esté payé par cedit commis par vertu dudit roolle comme par sa quictance cy rendue appert, la somme de
VII l. XVIII s. IIII d.

Somma LXXI l. XIX s.

Fondeurs de cuyvre et metal.

A Pierre Crosnier, fondeur demourant a Tours , pour quatre poulyes de cuyvre a pertuys carré par lui baillees et livrez ou temps dessusdit pour servir au grant puyz nouvellement fait audit chastel poisans ensemble XXII livrez cuyvre au pris de III s. la livre a esté payé par cedit commis par vertu dudit roolle comme par sa quictance cy rendue laquelle servira sur le troys parties ensuivans appert, la somme de
LXVI s.

A lui pour une fontaine de cuyvre par lui baillé comme dessus pour servir aux tuyaulx par ou l’eaue [F°141 v°] dudit puys descend aux cuisines a esté payé par cedit commis par vertu dudit roolle comme par sa quictance rendue sur la partie precedent appert, la somme de
XXV s.

A lui pour deux autres petites fontaine par lui baillees pour servir comme dessus a esté payé par cedit commis par vertu dudit roolle comme par sadite quictance cy devant rendue servant cy appert, la somme de
XII s. VI d.

A lui pour ung sac de toille achapté pour aporter lesdites poulyes dudit lieux de tours audit chastel a esté payé par cedit commis par vertu dudit roolle comme par sadite quictance rendue cy devant servant cy appert, la somme de
XX d.

A Yvonnet Robert, bosselier, pour huit pommeaux de chaises dorez par lui baillez ou temps dessusdit et mis a deux chaises mises en la chambre du roy et pour avoir fournir d’or de ducat jusque a la valleur de IIII l. VI s. employer a ladite dorure a esté payé par cedit commis par vertu dudit roolle comme par sa quictance cy rendue appert, la somme de
VI l. XI s.

Audit Robert pour quinze mouchetes de cuyvre par lui baillees pour servir au lampiers de la chapelle [F°142 r°] dudit chastel a esté payé par cedit commis par vertu dudit roolle comme par sa quictance cy rendue laquelle servira sur la partie prouchaine ensuivant appert, la somme de
VI s. III d.

A lui pour avoir abillé une chantepleure de cuyvre pour servir aux tuaulx par ou vait l’eaue du puyz aux cuisines dudit grant corps de maison a esté payé par cedit commis par vertu dudit roolle comme par sadite quictance rendue sur la partie precedent servant cy appert, la somme de
X s.

A Guillaume Berthau, meignan, pour troys banterolles ou girouetz de laiton par lui biallees et livrez au temps dessusdit pour servir a la petite tour du Rousselet au pris de X s. piece a esté payé par cedit commis par vertu dudit roolle comme par sa quictance cy rendue appert, la somme de
XXX s.

Somma XIIII l. II s. V d.

Achapt de plomb, estain et souldure

A Michel Meslee, marchant demourant a Bloys , pour le nombre de deux cens quarante troys livres de estain poix de Bloys par lui baillee et livré en sa maison audit lieux de blois ou temps dessusdit pour employer au fait desdits ediffices au pris de [F°142 v°] de III s. IIII d. la livre a esté payé par cedit commis par vertu dudit roolle comme par sa quictance cy rendue appert, la somme de
XL s. X d.

A Fremyn Perrier pour le nombre de unze milliesr huit cens soixante et huit livres de plomb par lui baillé et livre ou temps dessusdit audit lieux d’Amboise et au poix dudit lieux pour employer au fait desdits ediffices au pris de XXIII l. XIX s. II d. t. le millier qui est XLVII s. IX d. le cent et V d. ob. pite la livre a esté payé par cedit commis par vertu dudit roolle comme par sa quictance cy rendue appert, la somme de
II^c IIII^xx IIII l. VI s. XI d. pite t.

A Loys Constelly pour cinq livres d’estain par lui baillé et livré ou temps dessusdit pour employer comme dessus a esté payé par cedit commis par vertu dudit roolle comme par sa quictance cy rendue appert, la somme de
XV s.

Somma III^c XXV l. XI s. XI d. pite.