Victrerie

A Gilles Jourdain, victrier demourant a Tours , pour [F°163 r°] XVII piedz de voirre ouvre mis en une croisee audit grant corps de maison au pris de VIII s. IIII d. le pié a esté payé par cedit commis par vertu dudit roolle comme par sa quictance cy rendue laquelle servira sur les quatre parties ensuivans appert, la somme de
VII l. I s. VIII d.

A lui pour deux panneaux de voirre blanc mis en demye croisee en la cuisine du roy contenans douze piez de voirre au pris de III s. IX d. le pié a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
X l. V s.

A lui pour les victres de deux croissee de voirre ouvré a espees mises en la grant gallerie dudit corps de maison contenant XXXIIII piez de voirre au pris de VIII s. IIII d. le piece a esté payé par cedit commis par vertu dudit roolle comme par sa quictance rendue cy devant servant cy appert, la somme de
XIIII l. III s. IIII d.

A lui pour une autre croisee de voirre ouvré espees et plames mises et assizees en la chambre neufve du Roy contenant XXXIIII piez au pris de VIII s. IIII d. le pié a esté payé par cedit commis par vertu dudit roolle comme par sadite quictance cydessus rendue servant cy appert, la somme de
X l. t.

[F°163 v°] A lui pour deux croisees de voirre ouvré a palmes espees et bordees de A contenans XLVIII piez de voirre mises et assiez en la grant salle dudit corps de maison audit pris de VIII s. IIII d. le pié a esté payé par cedit commis par vertu dudit roolle comme par sadite quictance cydessus rendue servant cy appert, la somme de
XX l. t.

Somma LIII l. X s.

Nates

A Richard Prevost, natier, pour ses peines et sallaires d’avoir levé les nates des galleries dudit chastel esquelles est le cerf et aussi celle de la gallerie du jeu de paulme que tient Hacquelebart et celles de la chambre de garde robe de feu monseigneur le daulphin fait au moys de janvier ou temps de ce roolle a esté payé par cedit commis par vertu dudit roolle comme par sa quictance cy rendue appert, la somme de
XLV s.

Audit Richard Prevost pour soixante toisees de et demye de nates neufves par lui baillees et livrez ou temps de ce roolle et mises et assizes audit grant corps de maison au pris de VI s. t. la toise a esté payé par cedit commis par vertu dudit roolle comme par sa quictance rendue appert, la somme de
XXI l. XV s.

Somma XXIIII l.

[F°164 r°] Charroy

A [découpé, charr]etier pour le nombre de soixante dix [tours] de son charroy a six chevaulx et troys [har]rnoys par lui mises et employes ou temps dessusdit au fait desdits ediffices au pris de XII s. VI d. par jour a esté payé par cedit commis par vertu dudit roolle comme par sa quictance cy rendue appert, la somme de
LXXVIII l. XV s.

A Jehan Le Paige, charretier, pour VIII journees de son charroy a troys chevaulx par lui mises et employes ou temps dessudits pour le fait desdits ediffices au pris de X s. par jour a esté payé par cedit commis par vertu dudit roolle comme par sa quictance cy rendue appert, la somme de
IIII l. t.

A Jamet Macquain, charretier, pour trente journees et demye a son charroy a troys chevaulx par lui mises et employes comme dessus audit pris de X s. par jour a esté payé par cedit commis par vertu dudit roolle comme par sadite quictance cy rendue appert, la somme de
XV l. V s.

A Cardin Roboyn, ausi charretier, pour trente journees de son charroy a troys chevaulx par lui mises et employes aufait desdits ediffices audit pris de X s. par jour a esté payé par cedit commis [F°164 v°] par vertu dudit roolle comme par sa quictance cy rendue appert, la somme de
XV l. t.

A Jehan Gandillon, aussi charretier pour [découper] six journees de son charroy a troys chevaulx par lui mises et employes au fait desdits ediffices au pris de X s. par jour a esté payé par cedit commis par vertu dudit roolle comme par sa quictance cy rendue laquelle servira sur les deux parties ensuivans appert, la somme de
XIII l. t.

A lui pour la voicture et charroy de deux petites marches amenées ou temps dessusdit de la perriere de La Ronde pres Loches audit chastel pour employer esdits ediffices au pris de VII s. VI d. piece a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
XV s.

A lui pour la voicture et charroy de XXIX piez de pavé amenée ou temps dessusdit de ladicte perriere audit chastel pour employer comme dessus au pris de XVIII s. la toise a esté payé par cedit commis par vertu dudit roolle comme par sa quictance cydessus rendue appert, la somme de
XIIII s. VI d.

Somma VI^xx VII l. IX s. VI d.

[F°165 r°] Acquestz de heritaiges pour servir ediffices faiz ou temps de ce roolle

Audit office Guillaume Le Paige, Martin Le Paige, Jehan de Piery et Denise sa famme et Pierre Aubert pour l’acquest d’une vielle maison appentiz et cave qu’ilz avoient au Petit Fort dudit Amboise entre leur mason et le pié ou talu dudit chastel pres la tour que le Roy nostre sire y fait bastir de present contenant le tout sept toises de long ou environ et cinq toises de large estant au fief du seigneur dervan franche de tout devoir a esté payé par ledit receveur commis dessusdit la somme de deux cens livre tournois laquelle somme lesdites choses apreciees et presentes de nobles personnes messires Denis de Bidant chancelier premier presidents des comptes maistre Nicolle Gilles, notaire et secretaire et controlleur au tresor dudit sire et des bailly et procureur dudit sire audit lieu d’Amboise , ainsi que par ladite appreciacion lectres dudit acquest contenant quictance de ladite somme de deux cens livre tournois cy rendues appert, pour ce cy, la dite somme de
II^c l. t.

Item, pour les lectres dudit acquest et vidimus d’icellees a esté payé par cedit commis par vertu dudit commis, la somme de X s.

[F°165 v°] A maistre Michel Gallier, pretbre demourant au Petit Fort dudit Amboise , pour l’aquest fait de luy ou temps dessusdit de cinq toise et demye de long et deux toise et demye de large de sa court et tenue estant derriere sa maison ou il demeure entre icelle maison et le pié et talu dudit chastel soubz lequel court a une cave voulte joignant ung costé a la tenu dessus dit et d’autre costé a la maison et tenu Françoys Saulvaige au fié dudit sieur dervan franche et quicte d’aucun devoir a esté payé par cedit receveux la somme de soixante dix livres tournois a laquelle somme lesdites chooses ont este apreciees comme dessus ainsi qu’il peult apparoir par ladite aprecicion et lectres dudit acquest sur ce faictes contenant quictance de ladite somme de LXX l. t. pour cecy par vetu dudit roolle ladite somme de
LXX l. t.

Item pour le lectres dudit acquest et vidamus d’icelles a esté payé par cedit commis par vertu de cedit roolle, la somme de
X s.

Somma II^c LXXI l.

Autre despense commune

A Jehan Lefeuvre, tapicier ordinaire du Roy nostre sire, [F°166 r°] pour avoir osté les armoiries de la destrucion de Troyes et Reims et fait ung soleil en chacune piece et pour avoir abillier et garny plusieurs pieces d’autre tappiceries tant vielle que neuve et ausi pour avoir fourni de partie des estoffes a ce necessaires pour l’enmeublement du chastel le tout fait depuis le premier jour d’octobre mil IIII^c IIII^xx et quinze jusques au XXII^e jour de mars ensuivant ou temps de ce roolle a esté payé par cedit commis par vertu dudit roolle comme par sa quictance cy rendue appert, la somme de
CXX l. t.

A Jehan De Guistelle tappicier demourant a Loys pour une piece de tapicerie armoyee des comtes de France Sicille par lui baillee et livree au temps dessusdit pour servir a tandréeau chambres dudit chastel contenant ladite piece huit aulnes ung quartier au pris de cent solz l’aulne a esté payé par cedit commis par vertu dudit roolle comme par sa quictance cy rendue appert, la somme de
XLI l. V s. t.

A Pierre De Lyon et Jaques De Pavye, faiseurs de draps de soye demourant a Tours , pour le par faict du payement de six aulnes un quart et demy et la moictie de demy quart de drap d’or fait a fleurs de lys sur champ[b]leu par eulx baillé [F°166 v°] et livré pour servir a faire des arnemenens a la chappelle nouvellement faicte audit chastel en oultre et par dessus le somme de cent livres tournois qui leur a esté payé par cy devant au pris de XXVIII l. t. l’aulne a esté payé par cedit commis par vertu dudit roolle comme par leur quictance cy rendue appert, la somme de
IIII^xx l. t.

A Jehan Gruel, marchant demourant a Amboise , pour troys livres fil noir par lui baillé pour servir au tappicier qui a besongner a ladicte tappicerie au pris de X s. t. la livre a esté payé par cedit commis par vertu dudit roolle comme par sa quictance cy rendue laquelle servira sur les deux parties cy appres ensuivans appert, la somme de
XXX s.

A lui pour vingt aulnes et demye canevaz par lui baillé pour servir au fait desdits ediffices au pris de II s. VI d. l’aulne a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
XLII s. VIII d. ob. t.

A lui pour deux aulne groisse toille par lui baillé pour faire le patron des cheizes faictes audit chastel au pris de II s. VI d. l’aune a esté payé par cedit commis par vertu dudit roolle comme par sa quictance cydessus rendue appert, la somme de
V s.

[F°167 r°] A Guillaume Gillier, ciergier, pour avoir ciré une aulne de ladite toille pour servir comme dessus a esté payé par cedit commis par vertu dudit roolle contenant quictance en la fin, la somme de
V s.

A Gilles Pellet, marchant demourant a Amboise , pour deux aulnes un quartier et demy de damas vert par lui baillé et livré pour emploier a doubler des grans cheizes couverte de drap d’or mises en aucunes des chambres dudit chastel pour le Roy nostre sire seigneur au pris de LX s. l’aulne a esté payé par cedit commis par vertu dudit roolle comme par sa quictance cy rendue appert, la somme de
VII l. II s. VI d.

A Mathurin Longuet, drappier, pour douze aulnes ung quartier de drap rouge par lui baillee et livré ou temps dessusdit pour mectre et emploier soubz les ferrures des croisees qui ont esté assizes audit grant corps de maison au pris de XX s. l’aulne a esté payé par cedit commis par vertu dudit roolle comme par sa quictance cy rendue appert, la somme de
XII l. V s.

A Jehan Poulain, sellier pour avoir ou temps dessusdit calfeustre des fenestres et huyz des chambres et galleries estans pres et joignans de la tour carree dudit chastel et pour avoir garni de [F°167 v°] cheizes pour lesdites chambres et quatre couesinetz a paintres a esté payé par cedit commis par vertu dudit roolle comme par sa quictance cy rendue appert, la somme de
LXXIIII s. XX d.

A Guillaume Bourgeau, marchant demourant audit Amboise , pour troys piece de bougran noir par lui baillees et livrees ou temps dessusdit pour servir a la chapelle dudit chastel au pris de XXVII s. VI d. la piece a esté payé par cedit commis par vertu dudit roolle comme par sa quictance cy rendue appert, la somme de
IIII l. II s. VI d.

A Julian Brices pour une piece et demye autre bougran par lui baillee pour servir comme dessus au pris de XXVII s. VI d. la piece a esté payé par cedit commis par vertu dudit roolle comme par sa quictance cy rendue laquelle sevira sur la partie prouchaine ensuivant appert, la somme de
XLI s. III d.

A lui pour six lampes de voirre par lui bailles et livres pour servir a ladite chappelle au pris de VI d. piece a esté payé par cedit commis par vertu dudit roolle comme par sa quictance rendue sur la partie precedent servant cy appert, la somme de
III s.

A Simon Gollar, mercier, pour le nombre de douze racquectes par lui baillees au moys de fevrier [F°168 r°] l’an de ce roolle auquel temps le Roy estoit audit lieu d’Amboise pour servir au jeu de paulme dudit chastel au pris de V s. piece a esté payé par cedit commis par vertu dudit roolle comme par sa quictance cy rendue appert, la somme de
LX s.

A Jehan Besquet pour avoir fourni ou temps de ce present quartier d’estouppes, craye blanche, potz, chaussieres goubelletz de terre, balais, queux de gris, soye de porc, tuaulx de plumes, boys de chauffage, plateaux de boys, scas a sassez farine, paille et autre menues choses pour servir aux paintres et plombeurs besoignans chacun jour pour le fait desdits ediffices a esté payé par cedit commis par vertu dudit roolle comme par sa quictance cy rendue appert, la somme de
IIII l. X s. X d.

A Jehan Benart, charretier, pour neuf rotes de boys a compté par lui baillees ou temps dessusdit pour servir a faire du feu pour degelles les pierres pour faire besoigné les maçons ou temps d’iver au pris de VII s. VI d. la rotee a esté payé par cedit commis par vertu dudit roolle comme par sa quictance cy rendue laquelle servira sur la partie ensuivant appert, la somme de
LXVII s. VI d.

A lui pour ung quarteron de fagotz par lui baillez et livre ou temps dessusdit pour servir comme [F°168 v°] dessus a esté paize par cedit commis par vertu dudit roolle comme par sa quictance rendue sur la partie precedent servant cy appert, la somme de
IIII s.

A Pierre Aslart, marchant de boys, pour quatre rotees de boys a la petite rote par lui baillé comme dessus est dit au pris de III s. la rotte a esté payé par cedit commis par vertu dudit roolle comme contenant quictance en la fin, la somme de
XII s.

A lui pour une rotee et demye boys a compté par lui baillé comme dessus au pris de VI s. la rotee a esté payé par cedit commis par vertu dudit roolle contenant quictance en la fin, la somme de
X s. VI d.

A Martine Tyonne, fermiere des grans pois d’Amboise , pour avoir poisé et repoisé le nombre de XXX milliers de plomb a esté payé par vertu de cedit roolle, la somme de
XX s.

Somma II^c IIII^xx VIII l. XVI s. VII d. t.
Monta grossa

A Jehan et Pierre Peilleraulx, notuniers, pour deux journees et leur chalans par eulx mises et employes ou temps dessusdit pour avoir amassé et pesché certain nombre de boys carré achapé pour lesdits ediffices que la riviere de Loire qui estoit en enmenoit a vauleaue a esté payé par cedit commis par vertu de cedit present roolle, la somme de
XV s.

Somma pro mensibus januarii, februarii et martii VII^m V^c LI l. V s. VI d. t.