Le 02.06.1553 : honnorable homme maitre René Gardette conseiller et magistrat au siege presidial de Tours et damoiselle Jehanne Barquyn sa femme de luy suffizamment auctorizee quant a ce faict cy apres soy dissant et affermant estre eagee de vingt cinq ans et plus demourans en cestedite ville de Tours paroisse Sainct-Saturnyn lesquelx et chacun d’eulx … ont vendu ceddé quicté delaissé et transporté … perpetuellement par heritaige a honnestes personnes Jehan Blanchard et Perrine Trahé sa femme demourans en la paroisse de Saint-Florentin d’Amboise ledit Blanchard present achaptant et acceptant tant pour luy que pour sadite femme leurs hoirs et ayans cause une mestairye vulgairement appellée Villarepin ? avecques ses apertenances appendances et deppendances situee en la paroisse Sainct-Denys d’Amboise au fief du Roy notredit sire a cause de son chastel et baronn[ie] d’Amboise chargé envers ledit sire de douze deniers de cens et debvoirs [1v°] par chacun an a sa recepte dudit lieu pour tous debvoyrs quelzconques consistant ledict lieu et mestairye en maisons granges tertz a bestes vignes boys de haulte fustays ? tailles bources ? prez pastures terres labourables et non labourables Et tout ainsi que led. lieu se poursuyt et comporte et qu’il a acoustumé d’estre exploicté par les mestairies dud. lieu sans aucune chose en excepter ne reserver et ainsi qu’il est escheu et ... …(localisation)… [1v°] … plus vendent lesdits Gardette et sa femme ausdits Blanchard et sa femme deux arpart… quartiers de prez situez en la prarye de la croix de Bléré ou fief dudit sire de La Croix de Bléré chargez a raison de quartier a denier envers ledit sire estans en quatre pieces l’une d’iceles contenant cinq quartiers appellez Bauberault … (localisation) … [2r°] … laquelle vendaison a esté et est faite pour le pris et somme de dixhuict cens livres tournois payee nombree et comptee par ledit Blanchard ausdits vendeurs … En laquelle vendaison lesdits vendeurs ont entendu et entendent comprendre au proffict desdits achapteurs le bestail et garenture ? de ladite mestairye ainsi qu’elle est inst… et enfo…ée de present sans aucune chose en excepter ne reserver promectans lesdits vendeurs et chacun d’eulx garentir saulver delivrer et deffendre … [2v°] lesdictz vendeurs et chacun d’eulx seul et pour le tout ont obligé et obligent par especial tous et chacuns leurs biens meubles et immeubles presens et advenir et de leursdits hoirs et ayans cause et mesmement leur maison et apartenances situé en cestedites ville de Tours paroisse Sainct-Saturnyn rue Neufve en laquelle ils font de present leur demoure / Et pour ce que ledit lieu a besoing de quelques reparations il a esté dict et accordé que lesdits achapteurs pourront faire lesdites reparations jusques a la somme de trente livres tournois ou environ dedans six moys prochain venant aussi a esté dict et accordé par expres en faisant la presente vendaison et transport que ladite somme de 1800 livres tournois sera employée en acquest quy sera repputé le propre pourvoy.ce de ladite Jehanne Barquyn femme dudit Gardette et de telle nature que estoyt lesdites choses en promect par ces presentes a ladite Jehanne Barquyn sa femme auctorizee comme depuis presente et acceptant pour elle ses hoirs et ayans cause et a esté mis en vin de marché la somme de vingt [3r°] escuz soleil aussi payez comptant et quant a tout … se qua mullier … Ce fut passé et jugé … presens honnorables hommes maitres Loys Ribot sergent royal ou bailly de Touraine , Jehan Boisgaultier marchant d’Amboise et Guillaume Pamparé clerc tesmoin a ce requis et appellez. # [le rappelle ne renvoie à rien, page manquante ?]
[Signé] R Gardete, Jehanne Barquuyn [sic], Lefebvre, Ribot pour present, J. Boysgaultier pour present, G. Pamparé pour present.