Vente par Marc Fortia, conseiller du roi et premier président en sa chambre des comptes de Bretagne (Saint-Saturnin de Tours), Baptiste de Pauge et Estienne de Pauge, marchand, à Pierre du Tramblay, marchand maître ouvrier en draps de soie de Saint-Pierre-le-Puellier de Tours 
et Martine Besnard, sa femme, de deux corps de maison situés rue Traversaine.
[Transcription partielle] Le 21.05.1572 : noble personne Marc Fortia, conseiller du roy notre sire et premier president pour ledit seigneur en sa chambre des comptes de Bretaigne et noble homme Baptiste de Pauge, demourans pour le present, c’est asscavoir ledit sieur president en ceste ville de Tours paroisse Saint-Saturnyn et ledit De Pauge en la ville de Vandosme , et Estienne de Pauge marchant lacqu[...] absent, ont faict et font vendition cession et transport, par heritage, a sire Pierre du Tramblay, marchant maitre ouvrier en soyes demeurant Tours , Saint-Pierre-Puellyer, present stippullant et acceptant pour luy et pour Martine Besnard, sa femme, leurs hoirs etc, deux grands corps de maison l’ung le plus grand situé sur le davant et le plus petit situé sur le derriere et assis en cestedite ville de Tours , rue Traversaine, ledit plus grand corps respondant sur le davant sur le pavé de ladite rue Traversaine en joingans iceulx corps de [1v°] maison, leurs apartenances et deppendances et entre lesquelz est la co[urt] senant ausdictz corps joignans d’ung long a la maison et appartenances qui fut par cy davant à la dame de La Raturiere et de present apartient ausdits vendeurs et par autre bout a la maison et apartenances qui fut a feu messire Guillaume de Beausne, filz du sieur de Samblancay et pour le bout de derriere au jardrin et apartenances de maitre Francoys Huray [=Huré] et que auparavant apartenoit audit deffunct sieur de Samblancay estantz lesdictz choses vendues autrement tenues de l’abbé de Saint-Jullian de Tours et de present pre[...] par messires les de Beaunes et chargee envers ledit sieur de fief de 5 sols 7 deniers [...] pour droict du censif si plus est deu noble homme maitre René Gardette, conseiller du roy et magistrat au siege presidial de Tours est tenu l’acquicter et mesmes la somme de 6 ecus 11 sols de rente pretendue sur ladite maison par monsieur maitre Renault de Beaune pour raison de quoy y a pr.. que ledit sieur Gardette est tenu de deffendre a ses depens perils et fortunes et où il en seroit envers ledit Gardette seroit et est tenu l’admortyr dedans 6 mois apres emition ? ou sinon payer la somme de 120 l. ; La vendition faicte pour le pris et somme de 3500 livres tournois. [2r°] [...] damoiselle Claude du Ruby a present femme dudit Estienne de Pauge et lors dudit contract veufve de feu Jherosme du Bauge [...] Thierry notaire a Tours , 12 septembre 1568 (acquet des 2 maisons + 2 autres maisons) qui apartiennent audit de Pauge [...] fait a Tours en la maison dudit sieur Fortia president et presences de honorables hommes maitre Mathieu Estenou, Jacob Baret advocatz au siege presidial de Tours et Estienne Pallu clerc demeurant chez ledit Estenou audit Tours tesmoins.
[Signé] M. Estenou pour present, B. de Pogge, P. du Tramblay, E. Pallu pour present, J. Baret, J. Gabrielly, Fortia, B. Terreau.
