[Transcription partielle] Le 01.07.1583 : ... honorable homme Francoys Martin dict Palleau marchant demeurant en la parroisse Sainct-Pierre-Puellier dudict Tours et honnorable femme Agnes Chartier, sa femme .. et noble homme Jehan Tardif, sieur Chigniers bourgeois et eschevyn .. ont vendu .. a noble homme Gatien Marbault, conseiller et secretaire des roy et royne de Navarre aussi demourant audit Tours , parroisse Sainct-Saturnyn, a ce present et achaptant .. ung grand corps de logys siggué en la rue de La Monnaye appellé Les Aigles sittué en la parroisse Sainct-Pierre-Puellier dudict Tours composé de caves salle basse deux salles haultes .. greniers et comble dessus court au derrier et de la comunaulté de la court et du puy estant davant .. ainsi qu'il a esté acquis par les dictz Palleau et sa femme de Jehan Bouchard et Marye Bourdier sa femme par contract du treiziesme jour de septembre soixante onze passé pardavant Horterau lors notaire royal audit Tours .. joignant .. d'ung long et d'ung bout audit maison que eut? appartient au deffunct sieur de La Coste et de present appartient a sieur Claude Robin, marchant audit Tours , d'aultre long a ung aultre corps de maison aussy appellé Les Aigles appartenant audit Palleau et sa fille heritier de deffuncte Claude Bourdier sa mere d'aultre bout par le davant au pavé de ladite rue de La Monnaye estant icelluy corps où fief de messieurs de chappelains de l'eglise monseigneur Sainct-Martin de Tours .. de revenu annuel de la somme de trente troys escuz ung tiers et plus .. vendaison quy a esté et est faicte pour le pris et somme de quatre cens escuz d'or soleil laquelle somme ledit acquereur a paiee .. ausdits vendeurs .. o grace .. 2 ans en la maison dudit achapteur .. (des biens de Marbault) ce que damoiselle Ysabel Falaiseau, sa femme a ce presente a confessé.. faict audit Tours en la maison dudit sieur Marbault acquereur a l'apres dinee de ce jour ès presences de Guillaume Normandeau, praticien demeurant a Tours et Toussainctz Coeslyer, serviteur dudit sieur Marbault tesmoings.
[Signé] F. Martin - J. Tardif - Marbault - Agnes Chartier - Ysabeau Falaiseau - T. Couallier - Digoys - G. Normandeau pour present.
[01.07.1583] .. ledict Marbault achapteur a baillé a tiltre de ferme ausdits Palleau et sa femme et audit Tardif, sieur de Chigniers, vendeurs ledit corps de logis. Ce present bail faict pour deux annees. Les preneurs payeront la somme de trente troys escuz ung tiers par an, rendue en la maison dudit bailleur audit Tours . Faict audit Tours en la maison dudit sieur bailleur a l'apres dim.. dudit jour ès presences dudit Normandeau et dudit Toussainctz Coeslier tesmoins.
[Signé] J. Tardif - F. Martin - Marbault - Agnes Chartier - T. Couaillier - Digoys - G. Normandeau present.