[Transcription partielle] Le 26.06.1586 : ... noble homme Francoys Maillé, sieur de Villesnes et du Monteguy, conseiller notaire et secretaire du roy maison et couronne de France demeurant en ceste ville de Tours , paroisse Saint-Saturnyn lequel a vendu ... perpetuellement par heritaige a noble homme Jehan Le Royer, sieur de Panchian, conseiller et secretaire des roy et royne de Naverre , demeurant en la paroisse Saint-Venant dudit Tours a ce present et achaptant agré pour luy et damoiselle Marguerite Brodeau, sa femme, leurs hoirs etc. C'est asscavoir troys quartiers et demy et une quarte de terre labourable situee au lieu de La Noiraye joignant d'ung long a la veufve Estienne Maillé, d'aultre long au Cloz de Picquelict apartenant audit sieur de Pauchian, d'ung bout au grand chemyn tendant de Maillé⁽¹⁾ a Fondettes , d'aultre bout a Jacques Bourcard, plus quarente chesnees? aussi de terre labourable situez au lieu ces vaulx joignant d'ung long audit sieur acquereur d'aultre long aux heirs feu Jehan Carré de Trinalle d'ung bout au chemyn des vaulx d'aultre bout au chemyn tendant de Maillé a Fondettes lesdites pieczes de terre estans où fief de Panchian et chargees envers ladite seigneurye asscavoir lesdits troys quarts et demy et une quarte a raison de denire par quartier et lesdites quarente chesnees d'ung boisseau cinq escelles et demye de froment de cens et rente le tout par chacun an au jour et feste de saint Michel ... la presente vendaison .. est faicte pour le pris et somme de soixante escuz soleils laquelle somme ledit sieur acquereur a promis payer audit sieur vendeur dehs le jour et feste de my aoust prochain venant a peine etc. prometant ladite vendaison garantir etc. ... fait audit Tours en l'estude de nous notaire avant midy ès presences de Ambroys Guilly, cordonnyer demeurant a Chasteau-Regnault et Jehan Digoys, clerc demeurant audit Tours tesmoins.
[Signé] Maillé - A. Guilly - Le Royer - Digoys, notaire royal.
[07.08.1586] .. ledit Maillé, sieur de Vallesnes, vendeur a receu presentement contant dudit sieur de Panchian acquereur a ce present la somme de soixante escuz soleil pour le sort principal de la vendaison contenue au contract cy dessus ... faict audit Tours en la maison de moy notaire avant midy ès presences de Rolland Viollet et dudit Jehan Digoys clercs demeurans audit Tours tesmoins.
[Signé] Maillé - Violet pour present - Digoys - Digoys present.

1. Aujourd'hui Luynes .