[Transcription partielle :] noble homme Pierre Demarrel, gentil homme servant du roy de Naverre et homme d’armes de sa compagnye suyvant la court dudit seigneur, (procuration en blanc), noble homme, Pierre Demarelle Demarrel, gentil homme servant du roy de Naverre et homme d’armes de sa compagnye suyvant la court dudit seigneur, lequel a faict nommé et constitué, nomme et constitue ses bien amez et feaulx procureurs, sieur Pierre Redon (blanc) ausquelz et a chacun d’eulx ,seul pour le tout, ledit constituant a donné et donne pouvoir et mandement special de poursuiv[re] noble homme maitre Macé Fortia, president des comptes de Bretaigne , a luy payer et bailler, rendre et restituer la somme de soixante dix escuz d’or sol. par ledit Fortia, receuz de tresaurier de l’Espaigne ou son commis, neuf ou dix ans sont ou environ environ, en vertu d’ung mandement faict et baillé audit constituant par messire Martin [1v°] de Bellay, sieur de Langey , pour pareille somme de LXX ecus que ledit constituant avoyt desbourcee et avancee pour la somme dudit sieur de Langé , qu’il en avoyt assigné sur ledit tresaurier de l’Espagne , et lequel mandement ledit constituant avoyt mis ès mains de Claude Grandin, lors d[...], au pris qu’il auroyt baillé audit Fortia a ce dessudit d’icelluy constituant, en vertu duquel ledit Fortia a depuis receue ladite somme, comme il a depuis confessé a icelluy constituant ainsi qu’il dict, et pour ceste effect plaidoyer et eslire domicille etc. et de tout en croyon par serment ledit Fortia sans autre proces. Et en accorder avec ledit Fortia et s[...] office des […] et dese[…] de faict audit Fortia, dixhuict livres que ledit Grandin avoyt desbourcez a sa requete pour l’achapt de troys aulnes de drap pour [2r°] raire robbe au frere dudit constituant, lors esceller a pris et assigner en l’amie dudit constituant qu’il ne debvooyt aultre chose audit Grandin et recepvoir ladite somme et en bailler quictance. Et generallement etc. promectant etc. Fidem etc. dont etc. Presents a ce sieur Pierre Redon, maitre orfebvre, et Thomas Oufray, orfrennier serviteur dudit Redon, tesmoings appellez.
[Signé] Demarel, B. Terreau.