Bail à ferme de 5 ans sur trois arpents de prés de la prairie du Marais, passé entre le propriétaire, Guillaume Creste, secrétaire du roi de Navarre 
et contrôleur de sa maison, et le fermier, Jean Peron, paroissien de Saint-Pierre-des-Corps .
[Transcription partielle :] Noble homme maitre Guillaume Creste, secretaire et controlleur du roy de Navarre et controlleur de la maison dudit seigneur, lequel a confessé avoir baillé et baille a ferme du jour d’huy jusques a cinq annees et cinq cuillettes consecutifs sans intervalle, a Jehan Peron, paroissien de Saint Pierre des Corps dudit Tours a ce present et acceptant, troys arpens de prez ou environ en une piece sise en la praierie du Marays, joignant lesdits troys arpens ou environ d’ung long et d’un bout aux prez de maitre Guillaume Amyrault, chanoyne en l’eglise de Tours , d’aultre long aux prez du sieur des Rochefoucault, et d’ung bout a la praerye de Grandmont, des fosse ou rousseau entre deux pour en payer de ferme par an par ledit preneur audit bailleur, la somme de vingt livres tournois et six poulletz au jour saint Martin d’iver, [1r°] premier payement commanczant audit jour saint Martin prochain venant, et oultre lesdits prez baillez a la charge de droict de faustoze[?] pour toutes charges. Presents a ce nobles hommes, maitre René Rousselet, sieur de Boismean, et Jehan Beluche, sieur du Bouschet, tesmoings appellez.
[Signé] B. Terreau.
Notes :
