[Transcription partielle :] noble personne maitre Victor Brodeau, sieur de Candé, secretaire de la chambre du roy et des finances de la royne de Naverre d’une part, et nobles personnes Jehan Le Royer, secretaire de ladite royne de Naverre et de monseigneur le prince de Naverre , damoiselle Marguarite Brodeau, sa femme et espouze, eagee de vingt cinq ans, comme elle a dict dudit Le Royer, son mary, auctorisee quant a ce faict d’aultre part, tous demourans audit Tours , lesquelz ont congneu et confessé avoir faict et font par entre eulx les partages et divis des immeubles et heritages qui sont escheuz et advenuz ausdits maitre Victor Brodeau et a ladite damoiselle Marguerite Brodeau, sa seur, des sucessions de deffunctz nobles hommes maitre Victor Brodeau, en son vivant notaire et secretaire des roy et du roy et des roy et royne de Naverre , et de venerable maitre Jehan Brodeau, vivant chanoine prebende en l’eglise monseigneur Saint Martin dudit Tours , leur oncle, en la [1r°] maniere qui s’ensuyt. C’est assavoir comme ou lot et partage dudit maitre Victor Brodeau est demouré et demeure, sera et demourera a perpetuité pour luy, ses hoirs et ayans cause, le lieu, fief, terre et seigneurie de La Chassetiere et Romatiere, ses appertenances, appendances et deppendances, ainsi qu’il se poursuyt et comporte tant en maisons, granges, pressorier, tertz a bestes, fuye, boys de haultes fustaye et taillis, vignes, prez /^(a) terres labourables et non labourables que aultres choses, quelsconques sans aucune chose en resserver ne retenir, et comme en joissoyt lors de son deces, ledit deffunct maitre Victor Brodeau, pere, desdits contractans fors cinq arpens ou environ et une chambre de maison estant dedans, que ledit deffunct avoyt acquis de feu Jacques Hardouyn, receveur de Beaufort, desquelz y a eu eviction par Bertrand Salmon, maitre menuisier de ceste ville de Tours , sauf le recours et actions desdits contractans contre les heritiers dudit feu Hardouyn et autres, qu’il appertiendra laquelle action [2r°] demeure audit sieur Brodeau par ces presentes. Et ou lot et partage de ladite damoiselle Marguarite Brodeau est escheu et et demeure, sera et demourera pour elle, ses hoirs et ayans cause, deux jardrins estans l’un d’avant l’aultre, pres la porte neufve de ceste ville de Tours , la rue Chaulde entre deux, l’ung contenant ung quartier ou environ enclos a murailles avec les maisons et appertenances seans dedans, joignans d’une part aux maison et appertenances de la grand escolle de Tours , d’aultre aux hoirs feu Megrier et Zacarie Grineau, d’autre aux fousses de la ville, la Turcie entre deux /^(b) l’aultre aussi contenant ung quartier ou environ, ainsi que la piece se poursuyt, et comporte joignant d’une part a Jehan Du Puy, brodeur, d’aultre a une ruette pour aller de la rue Chaulde a sieur l'abé. (2)^(c) Plus la somme de cinquante deux sols six deniers t. de rente sur une maison joignant aux murailles dudit jardrin et a ladite Turcye qui fut a la veufve Robert Tessier et de present audit Grineau. (3)^(d) Plus une piece de pré appellé le pré [2v°] clos scitué en La Varenne, contenant ladite piece deux arpens neuf chesnees, comprins la cloustiere joignans d’ung long au pré de Lebaupin, d’aultre au chemyn tendant a Tours au boys de Plante, d’ung bout au pré de maitre Jehan Boutault, appellé le pré Lymoreau, et d’aultre part au pré a Noué de La Prieuve de Loches. (4)^(e) Plus trois quartiers de pré, vint chesnes noircys en la praerie de Baulraye, joignant d’une part au pré de feu Geoffrion Brief, d’autre au pré des hoirs feu maitre Nicolla Chartier. (5)^(f) Plus dixhuict treize livres t. de rente founciere deue par chacun an par Jehan Lebelu, parfumeur, et sa femme et aultres, a cause de certaines maisons scituees en la promesse Notre dame de l’escrignol, rue de La Gallee de ceste ville de Tours (6)^(g) Plus six livres t. de rente fonciere deue par maitre Robert Le Feuvre, notaire roial en ceste ville de Tours , a cause de sa maison ou il demeure en ladite paroisse, qui fut [3r°] a feu Jehan Girault et de Cosme, respondant sur la Grande Rue, joignant a la maison de (blanc). (7)^(h) Plus soixante dix solz tournois de rente deue par plusieurs personnes, a cause de certains heritages situez ès paroisses de Sainct Cyre et ès envyrons /⁽ⁱ⁾ et en la paroisse de Rochecorbon . (8)^(j) Plus cinq arpens de prez quatre arpens de prez en deux pieces sises en l'isle de Brechernon au lieu appellé La Megnee /^(k) acquis par vendaison fait maitre Jehan Bourdeau, o grace de remeré par contract passé par moy, notaire, le cinqiesme jour de juing mil cinq cens soixante, a la charge de remeré desdits prez au moyen des prolongations de ladite grace. (9)^(l) Plus la somme de soixante quinze livres tournois de rente constituee sur le lieu de La Grande Revellerye, appartent a maite Macé Marchant, situé en la paroisse de Charentille , par contract passé par Robert LeFebvre, notaire royal en ceste court, le premier jour de decembre l’an mil cinq cens cinquante huict. (10)^(m) Plus sept arpens de prez situez [3v°] en la praierie de Fouchault appellé Chalandeau /⁽ⁿ⁾ Remonneau et Chenille, en quantre pieces ainsi que ledit maitre Jehan Brebert les a acquis de nobles personnes Jherosme Hesselin, sieur de La Breche, et de Martine et Marguarite Hesslins, ses filles, par contract passé par moy, notaire, le huictiesme jour de juing mil cinq cens cinquante deux. Et pource que ledit lieux de La Chassetiere et fief de La Romatiere sont de plus grand valleur que les choses demourees a ladite Marguarite Brodeau, ledit maitre Victor Brodeau a baillé et baille payé par ces presentes Plus les baillé ledit maitre Victor Brodeau a ladite Marguarite Brodeau, sa seur, la somme de cent livres tournois de rente annuelle et perpetuelle, qu’il avoyt droict d’avoir et prendre par chacun an sur les poissonneryes de ceste ville /^(o) l’imposition de la ferme de blé /^(p) et sur plusieurs maisons et cabaretz situez ès boulevertz de cestedite ville de Tours et generallement sur tous les biens patrimoniaulx de la communité de bel de cestedite ville de Tours , et comme il les a acquis de ladite ville par contract passé par Jehan Lesainct, notaire en ceste court, le dixseptiesme jour de juillet mil cinq cens soixante deux. (11)^(q) Plus cent solz t. sur lesdits Lebele et sesdits codetempteurs [4r°] de rente fonciere acquise par ledit maitre Victor Brodeau, assavoir quinze solz de Loyse Brodeau, sa tante, par contract passé par moy, notaire, le quinziesme jour de janvier mil V^c cinquante troys /^(r) Et quatre livres cinq solz de Marie Mareschal, veufve de feu sieur Michel Pele, par contract aussi passé par moy, notaire, le onziesme jour de janvier mil V^c cinquante huict, et oultre ce ledit maitre Victor Brodeau a payé contant ausdit Le Royer et sadite femme que de luy ont receu la somme de troys cens livres sept vingts cinq livres t., lesdits cent livres t. de rente acquise de ladite ville /^(s) lesdits cent sols de rente sur ledit Lebele et codetempteurs, et troys cens sept vingtz cinq livres t. payez contant, faisans ensemble la somme de seize cens quatorze cens quarente cinq livres t. baillez comme dict, est pour retenir de partage par ledit maitre Victor Brodeau ausdit Le Royer et sadite femme, dont ilz se sont tenuz contans. Et payeront lesdits contractans a l'advenir les cens, rentes, charges et debvoirs, deubz a cause des choses a eulx cy dessus respectivement demourees, [4v°] promectans lesdits contractans garentir respectivement lesdites choses cy dessus, l’ung envers l’aultre, envers tous et contre tous, aux charges toutesfoiz des graces et remerez. Et quant a tout ce que dessus est dict faire tenir et entretenyr, sans y contrevenyr, ont lesdits contractans obligé et obligent eulx, leurs hoirs et biens, meubles et immeubles presents et advenir, renoncans etc. foy etc. dont etc. Presents a ce nobles hommes maitres Galliot Mandat, esleu de Tours , sieur de La Jonchere, Jacques Adam, sieur de La Gasserye, et Galloys Lechevallier, natif de Mortaigne ou Perche , et Jehan Bernard, serviteur de noble homme maitre Jacques Adam, sieur de La Gasserye, tesmoings appellez, constat qui fut a la veuve Robert Tessier et de present audit Grineau /^(t) Treize /^(u) Et pour ce que lesdits lieux de La Chassetiere et fief de La Romatiere sont de plus grand valleur que les choses demourees a ladite Marguarite Brodeau /^(v) ledit maitre Victor Brodeau a baillé et payé /^(w) per ces presentes sept vingtz cinq livres /^(x) sept vingtz cinq [5r°] quatorze cens quarente cinq que aprouvons faict comme dessus. Brodeau, Le Royer, Marguerite Brodeau, Adam pour present, Mandat pour present.
[Signé] Lechevalier pour present, Besnard pour present, B. Terreau.

a. Signe inscrit par le scribe. — b. Signe inscrit par le scribe. — c. Signes inscrits par le scribe. — d. Signes inscrits par le scribe. — e. Signes inscrits par le scribe. — f. Signes inscrits par le scribe. — g. Signes inscrits par le scribe. — h. Signes inscrits par le scribe. — i. Signe inscrit par le scribe. — j. Signes inscrits par le scribe. — k. Signe inscrit par le scribe. — l. Signes inscrits par le scribe. — m. Signes inscrits par le scribe. — n. Signe inscrit par le scribe. — o. Signe inscrit par le scribe. — p. Signe inscrit par le scribe. — q. Signes inscrits par le scribe. — r. Signe inscrit par le scribe. — s. Signe inscrit par le scribe. — t. Signe inscrit par le scribe. — u. Signe inscrit par le scribe. — v. Signe inscrit par le scribe. — w. Signe inscrit par le scribe. — x. Signe inscrit par le scribe.