Maitre Victor Brodeau, sieur de La Chassetiere Saichent tous presents et advenir que en la court du roy notre sire a Tours , en droict par davant Jullien Legier et Robert Lefebvre, notaires de royaulx establiz audit Tours , furent presents, en leurs personnes et deuement soubzmys au pouvoyr et jurisdiction de ladite court, nobles hommes maitre Jehan Bourgeau, sieur de Boullay, conseiller du roy et president au siege presidial de Tours , Marc de La Rue, sieur de aussi conseiller dudit roy sire, sieur de La Couste et d’Augerville, Mathieu Quynel, sieur de Chantelou , commys a la tresorerye de France , et Pierre Phelipeaulx, commys a la gnal generalité establye audit Tours , ou nom et comme procureurs speciaulx du roy et commissaires, par luy ordonnez et depputtez, tant pour vendre et allouer son dommaine, droictz de et revenuz de ses gabelles, creue et plusvalle[ur] d’icellui et tout autres, son revenu ou cons tant ordinaire que extraordinaire, que pour constituer rentes sur iceulx, le tout a la raison du denier douze, ou prendre par emprunct et a remboursement sur les deniers de son espologue, du quartier des moys d’octobre, novembre et decembre prochain venant, juques a la somme de cent troys mil livres t. en ladit charge, tresaurerye et generallité de Tours , comme ilz ont faict aparoyr par le vidimus des lettres d’eedict du roy notredit sire, demourant a Villiers Costeretz ce moys de febvrier mil cinq cens cinq cens cinquante neuf huict et dernier passé, publyees en la court de parlement, chambres des comptes et court des aydes a Paris , signé Brisset, et par autres lectres patentes de pouvoyr et commission ausdits sieurs commissaires, adreissantes et decernees, donnees [1v°] audit Villiers Costeretz le troysiesme jour de mars ens[uivan]t V^e LVIII, signees Henry et par le roy Burgensis, et scellees en queue simple du grand scel de cere jaulne, et par le vidimus d’aultres lectres patentes en forme d’eedict donnee audit Villiers Costeretz oudit moys de mars dernier, dont les coppies du vidimus en ung cahier de parchemyn, signé desdits notaires, sont attachees a ces presentes, d’une part, et noble homme maitre Victor Brodeau, sieur de La Chastyere, secretaire de la chambre du roy et des fynances des roy et royne de Navarre , demourant en ceste ville de Tours , d’autre part, disant lesdites partyes qu’il auroyt pleu au roy notredit sire, par autres ses lettres patentes de declaration et em d’employement, obtenues de la part dudit Brodeau ausdits sieurs commissaires, adroissantes, donnees a Paris le XXII^e jour de may dernier, signees Henry et au bas par le roy en son conseiller Burgensis, et scellees en simple queue que du grand scel de cere jaulne, veriffyees par ledit Phepe Phelipeaulx, commys susdit, ordonner qu’il feust faict vente, constitution, ressort et transport audit Brodeau de la somme de quatre cens livres t. de rente annuelle et perpetuelle, a prendre speciallement sur le revenu et droictz de gabelle, creue et plusvalle[ur] de ses greniers et magazins a sel dudit Tours de ladite generallité, a icelle avoir et percepvoyr par chacun an de terme et en terme et de quartier en quartier et quinze jours apres chacun d’iceulx /^(a) escheu par les mains du recepveur general des finances audit Tours par les simples quictances dudit Brodeau, ses hoires, successeurs ou ayans cause, [2r°] en remectant et retrocedant par luy ès mains du roy notredit sire les huictiesmes d’Azay le Bruslé , ellection de Chinon , et des paroysses de Monnoye et Chissé , ellection de Tours , que luy cy devant avecques ledit sire a remeré perpetuel pour la somme de deux mil une livres douze solz. t., et lap l’huictiesme de La Pille Saint Mars pour la somme de troys cens soixante et quinze livres t., et la ferme de l’imposition de du foing et paille vendu en la ville et forsbourgs dudit Tours pour la somme de mil cinquante huict livres huict solz t., que ses tuteurs ou curateurs avoyent, luy estant myneur, acquis d’ung nommé Jacques Voysin auquel le roy notredit sire ou procureurs pour luy en avoyent auparavant faict cession et transport pour pareilles et semblables sommes /^(b) que dessus et remectant ès mains dudit recepveur general des finances dudit sire, estably audit Tours , les contractz et decretz des vendictions a luy faictes desdits droictz d’huictiesmes et imposition, avec les quictances des deniers par luy fournez, pour lesdits achaptz et autres pieces necessaires, et oultre en fournissant par luy contant ès mains dudit recepveur general la estably audit Tours la somme de treze cens soixante et cinq livres t., faisant le parfaict de la somme de quatre mil huict cens livres t., le tout soubz les forme, clauses et condictions plusplain contenues et declarees par lesdites lettres, dempliations et declarations, dont la teneur sera cy apres inseree de mot a mot, et lens ensemble l’attaché dudit Phepe Phelipeaulx, et les originaulx demourez ès mains desdits sieurs commissaires en ensuivant, lesquelles lectres desdict commissaires et declarations du roy notredit sire cy dessus mentionnees, [2v°] le dict Brodeau auroyt dict et declairé ausdits sieurs commissaires qu’il avoyt l’espoir et estoyt prest de sa part de faire ledit achapt et retrocession, et de faire et accomplir toutes les condictions descomptes et designees par lesdites lettres, et de faict, suyvant icelles et le bon plaisir et voulloyr du roy, a informé ausdits sieurs procureurs et commissaires du roy en ceste partye avoyr des le XXVIII^e jour de jour de juing dernier V^c LIX fourny et mys ès mains de maitre Jehan Fournier, recepveur general desdites finances estably audit Tours , ladite somme de quatre mil huict cens livres t., c’est asscavoir contant en deniers ladite somme de treze cens soixante cinq livres t. et la somme de le reste montant troys mil quatre cens trente cinq livres tournois, ès contractz, quictances et acquectz des et autres pieces qu’il avoyt, concernans les achaptz dessusdits desdits huictiesmes d’Azay le Bruslé , Monnoye , Chissé et La Pille Saint Mars et de ladite imposition du foing et paille vendu en cestedite ville de Tours , ainsi qu’il est plus aplain contenu en la quictance et inventaire que ledit Fournier, recepveur general susdit, en a faicte et baillee audit sieur Brodeau, tant de ladite somme de XIII^c LXV l. que desdits tiltres et contractz laquelle est deuement contrerollé, laquelle est aussi cy apres inseree de mot a mot, au moyen de quoy le jour de quatorziesme jour de juillet l’an mil V^c cinquante neuf ont lesdites partyes esdits noms, et en vertu desdites lettres et pouvoyrs dessusdits faic recongneu et confessé avoyr faict, et par ces presentes font entre eulx les cessions, rachaptz, vendaisons, constitutions, delays et transports que s’ensuyvent. C’est asscavoir que ledit sieur Brodeau a ceddé, retroceddé, [3r°] quicté, delaissé et transporté et, par la teneur de ces presentes, cedde, retrocedde, quicte, delaisse et transporte au roy nnotredit sire, pour luy et ses successeurs roys, presents, stippullans et acceptans pour les luy eulx, lesdits sieurs procureurs et commissaires, en vertu de leurdit pouvoyr, lesdits huictiesmes d’Azay le Brullay , Monnoye , Chissé et de La Pille Saint Mars et ladite ferme de l’imposition du foing et paille vendu en cestedite ville et forsbourgs de Tours , a luy cy devant venduz ainsi et pour les sommes cy dessus declarees, montans ensemble quatre mil huict cens cinc livres troys mil quatre cens trente cinq livres t., et desdits droictz d’huictiesmes et imposition s’est en tout desmys, desvesté et desaisy et, par ces presentes, s’en desmect, desviest et desaisist pour et au proffict du roy notredit sire et ses successeurs roys ou ayans d’eulx cause, et pour par eulx en joyr plainemement et paisiblement tout, ainsi que ledit sire et ses predecesseurs et roys en ont cy davant joy et joyssoyent auparavant lesdites vendictions, et moyennant lesquelz delays, retrocession, transport, decess[ion] et desaissisement, et le payement de ladite somme de treze cens soixante cinq livres t. payee et fournye contant, comme dict est par ledit Brodeau ès mains dudit Fournier, recepveur general susdit, comme apert par sa quictance cy dessus mentionnee et cy apres inseree de mot a mot, faisant le tout, le parfaict payement et fournissement de ladite somme de IIII^m VIII^c l. t., lesdits sieurs Bourgeau, De la Rue, Gu, Guynel et Phelipeaulx, esdits noms de procureurs speciaulx du roy et commissaires en ceste partye, ont en vertue de leur dit pouvoyr vendu, ceddé, quicté, delaissé et transporté et, par la teneur de ces presentes, vendent, ceddent, quictent, delaissent [3v°] et transportent audit Brodeau, present, stippullant et acceptant pour luy, ses hoires, successeurs ou ayans cause, la somme de quatre cens livres tournois de rente annuelle et perpetuelle, et laquelle ilz luy ont assignee et assisé, assignent et assyent par ces presentes sur les deniers droictz et revenu, creue et plusvalle[ur] des greniers et magazins a sel de ceste ville ladite generallité de Tours , a icelle rente de IIII^c l. t. avoyr et prendre par chacun an, et par les quatre quartiers egallement, et quinze jours, chacun d’iceulx escheuz par les mains du recepveur general des fynances estably audit Tours , par ses simples quictances ou que de luy auront avoir cause, a commancer dudit huict^me vingt huictiesme jour de juing dernier, qu’il a fourny et mys ès mains dudit Fournier, recepveur general susdit, sesdits deniers et pieces comme dict est duquel jour joyra pareillement le roy notredit sire, ses recepveurs ou fermiers, desdits droictz d’huictiesmes et imposition susdits, a la charge et condiction toutesfoys que ledit roy sire et ses successeurs roys pourront a jamays et quant bon leur semblera ravoyr et rachapter par faculté de rachapt et remeré perpetuel ladite somme de quatre cens livres t. de rente ainsi vendue que dict est audit Brodeau, en luy rendant ou a ses hoires, successeurs ou ayans cause semblable somme de quatre mil huict cens livres t. a ung seul et entier payement, avec les loyaulx, coust en cens et arrerages de ladite rente, si aucun sort lors dudit rachapt escheuz ou entrez en terme et au prorata du temps, le tout selon et suyvant les condictions portees et contenues [4r°] esdites lettres, pouvoyrs et commissions dessusdits, et soubz le bon plaisir et voulloyr du roy, et quant a tout ce que dessus est dict, traicté et accordé tenir, entretenir, observer, garder et accomplir de point en poinct, selon sa forme et teneur, lesdites partyes esdits noms se sont obligees et obligent respectivement, asscavoir lesdits sieurs procureurs et commissaires du roy, en vertu de leurdit pouvoyr, tous et chacuns les biens, revenu et domaine du roy notredit sire, et ledit Brodeau tous et chacuns ses biens, meubles et immeubles presents et advenir, renonczans icellesdites partyes esdits noms a toutes exceptions et deffen[ces] et choses generallement quelzconques a ces presentes lettres, contraires promectans esdits noms de bonne foy et par le serment de leurs corps de n’en jamays aller faire ne venir encontre dont ilz ont esté jugez de leurs consentemens par le jugement et condempnation de ladite court /^(c) Ce fut fait et passé audit Tours et jugé a tenir en la maison dudit sieur de La Couste, les jour et an que dessus.
Ensuyt la teneur desdites lettres patentes de declaration et ampliation attaché dudit Phelipeaulx, commis susdit, et quictance dudit Fournier, recepveur general susdit.
Henry, par la grace de dieu roy de France , a noz amez et feaulx conseillers, maitre Jehan Bourgeau, presidant au siege presidial de Tours , Macé de la Rue, sieur de La Coste, et les commis de noz amez et feaulx conseillers, les tresoriers de France et general de de noz finances en la charge et generallité de Languedoil a Tours , commissaires procureurs depputtez sur le fait des empruntz et engagemens de noz domaine, aydes gabelles et autres, notre revenu en ladite tresaurerye [4v°] et generallité dudit Tours , salut et dillection. Notre amé et feal maitre Victor Brodeau, secretaire de notre chambre et des finances de noz tres chers et tres amez frere et seur les roy et royne de Navarre , nous a faict remonstrer que, suyvant noz lettres patentes de commission a vous adressans pour recouvrer en ladite charge et generallité dudit Tours , une bonne somme de deniers pour subvenir a noz affaires mesmement pour le payement de la solde des gens de guerre qu’il nous a cy davant convenu entretenir et faire venir en notre service, tant deça que dela les montz, pour la tuition, deffence et conservation de noz royaume, pays et subiectz, vous estes adressez a luy a ce qu’il eust a nous secourir et ayder de quelque bonne somme de deniers, selon l’aysance et commodité de ses facultez, surquoy ilz vous a remonstré qu’il desire continuer le bon service devoir qu’il a tousiours eu a faire office d’affectionne et bon subget, et que depuys notre advenement a la couronne, il s’est desploié d’assez notables sommes de deniers a diverses foyz pour nous subvenir aux affaires de la guerre. Pour lesquelles sommes luy ont esté baillees certaines assignations assizes en divers lieulx. Mesmement pour la somme de deux mil une livres douze solz t. luy ont esté baillez et venduz les huictiesmes d’Azay le Bruslé , ellection de Chinon , et des parroisses de Monnaye et Chissé , ellection de Tours , par contract du XXVII^me jour d’aoust M V^c XLIX, et que auparavant luy estant en minorité, ses tuteurs et curateurs auroient achapté de ses deniers, d’un nommé Jacques Voysin, les huictiesmes de La Pille Saint Mars pour la somme de troys cens soixante quinze livres et la ferme de l’imposition du foing et paille, vendu en la ville et forsbourgs dudit Tours , pour la somme de mil cinquante huict livres huict solz. Auquel Voysin lesdites choses avaient esté vendues, assavoir lesdits huictiesmes de lLa Pille Saint Mars par contract du XI^e mars M V^c XLVII et ladite imposition du foing et paille par aultre contract du XV^me jour d’apvril M V^c XLVIII apres pasques ensuyvant, toutes lesquelles venditions faictes pour les vigeurs et necessaires affaires des guerres reviennent audit Brodeau, a la somme de troys mil quatre cens trente cinq livres, oultre laquelle neantmoings il offre [5r°] encore, pour le present nous fournir comptant, jusques a la somme de treze cens soixante cinq livres, moyennant qu’il nous plaise reprendre en noz mains lesdits huictiesmes d’Azay le Bruslé , Monnaye et Chissé , La Pille Saint Mars et imposition du foing et paille dudit Tours , et pour sceulx avecques ladite somme du XIII^c LX V l., faisans ensemble la somme de quatre mil huict cens livres, luy vendre, constituer et asseoir la somme de quatre cens livres de rente annuelle sur les deniers preceddans de noz droictz et esmoluemens et creue de la gabelle de notre gregnier et magazin a sel de Tours , a icelle avoir et prendre par les quatre quartiers de l’an par ses simples quictances du recepveur general audit Tours , et pour que vous pouriez faire diffien[…] de procedder et besongner a faire ladite permutation, eschange, vendiction et constitution, sans avoir sur ce noz lettres de commission specialle pour ce faire, nous a tres humblement faict supplice et requerir luy voulloir et octroyer noz lettres de provision a ce convenables. Scavoir faisons que, nous, ces choses considerees iniclmans^(d) liberallement a la requeste d’icelluy Brodeau, estant deuement advertiz qu’il a fourny par cy davant plusieurs aultres sommes de deniers pour subvenir a nosdites affaires de la guerre, en quoy il a faict suffisante preuve du bon voulloir qu’il a eu envers nous comme bon et loyal subiect de nous subvenir par l’advis et delliberation des gens de notre conseil privé, a vous ordonné et ordonnons que ladite permutation et constitution de rente se fera, et pour ce voullons et vous mandons que, suyvant votredite commission et en icelle emplissant entant que besoing seroit, vous recepvez de luy et remectez en noz mains lesdits huictiesmes d’Azay le Bruslé , Monnaye , Chissé , La Pille Sainct Mars et imposition du foing et paille dudit Tours , en les noms, cedant par luy et remectans ès mains du recepveur general de noz finances estably audit Tours les droicts des vendictions a luy faictes desdits huictiesmes, les quictances des deniers par luy fournys pour l’achapt d’iceulx, et autre [5v°] pieces necessaires, et oultre en fournissant par luy comptant ès mains du recepveur general ladite somme de XIII^c LX V l., faisant le parfaict de la somme de quatre mil huict cens livres, vous luy vendez, ceddez, constituez et transportez en notre nom pour icelledite somme de IIII^m VIII^c l., ladite somme de IIII^c l. de rente annuelle pour en jouir par luy, ses hoirs et ayans cause, a condiction touttesfoyz de remeré et rachapt perpetuel, et icelle rente luy assiez et constituez speciallement sur les deniers de notre droict de gabelle et creue du grenier et magazin a scel, a icelle avoir prandre et parcevoir par chacun an, et par les quatre quarterons, esgallement quinze jours apres chacun d’iceulx, escheuz dudit recepveur general de nosdites finances estably audit Tours , par ses simples quictances, et de ladite vendaison luy faictes et passez lettres et contractz en forme deue autenticque. Et en tel cas acoustumee, promectans pourvoir en bonne foy et parolle du roy, par ces presentes signer de notre main, avoir agreable, ratiffyer, tenir ferme et stable tout ce que par vous sera sure, faict, passé et contracté, le tout que la charge comme dict est de remeré perpetuel, en rendant a une foys et ung seul payement ladite somme de IIII^m VIII^c l. avecques les loyaulx, coustz de ce faire, vous donnons pouvoir, auctorité, commission et mandement special en lesdites lettres et comptz^(e), promectons si mestier est et requis en sommes faire emologuer et enregistrer en noz cours de parlement et chambre de noz comptes et court de noz aydes a Paris et par tout ailleurs ou besoing sera, mandons en oultre, a notre amé et feal conseiller, le general de noz finances estably audit Tours , ou son commis, qu’il face faire bail a notre proffict desdits huictiesmes d'Azay le Bruslé , Monnaye , Chissé et La Pille Sainct Mars et imposition du foing et paille dudit Tours comme de noz aultres fermes des aydes de ladicte ellection par les esleuz et autres noz officiers en [6r°] en icelle qui ont accoustumé ce faire ou en faire cuiller et recevoir ces derniers par les recepveurs de nosdites aydes audit lieu, du jour que avon en aurez contracté avec ledit Brodeau, selon que les baulx qu’il en a cy davant faictz pour le reste des temps d’iceulx, ainsi qu’ilz verront estre nous estre plus utille et commode, et doresnavant et par chacun an, tout ainsi et par la forme et maniere que faict estoyt auparavant les alliennations qui en ont esté faictes audit Brodeau, et, par le recepveur general de nosdites finances audit Tours , faire payer a sesdits hoirs ou ayans cause, jusques audit rachapt et remboursement ladite somme de IIII^c l. de rente par chacun an, par les quatre quarterons esgallement, quinze jours apres chacun d’iceulx, escheuz par ses simples quictances, et sans qu’il soyt besoing en avoir ne recevoir aultre acquict ne mandement de nous, sinon la coppye de sesdites presentes èsdits lettres et contract de constitution pour une foys seullement, en rapportant lesquelles coppyes ensemble les originaulx des droictz des vendaisons desdits huictiesmes d’Azay le Bruslé , Monnaye , Chissé et La Pille Sainct Mars et de l’imposition du foing et paille dudit Tours , et pieces y mentionnees avecques la quictance dudit recepveur general de ladite somme de XIII^c LX V l., aussi les quictances particullieres et necessaires dudit Brodeau. Nous voullons tout ce que payé et baillé sera a cause de ce estre passé et alloué ès comptes dudit recepveur general, present et advenir, par noz amez et feaulx les gens de nos comptes, ausquelz mandons et enjoignons par sesdites presentes ainsi faire sans aucune dificulté, car tel est notre plaisir, nous usant les ordonnances faictes, tant sur la forme et de l’engagement de notre domaine et des gabelles, que sur le faict, ordre et distribution de noz finances, ausquelles et a quelconques autres ordonnances faictes au contraire, nous avons derogé et derogeons, et aux derogatoires des derrogatoires de celles donné a Paris le XXII^e(f) jour de may l’an de grace mil cinq cens cinquante neuf et de notre regne le treze^me, ainsi signé Henry et au dessoubz par le roy en son [6v°] conseil burgenis, et scellé en queue simple du grand scel de cyre jaulne /^(g) Pierre Phelippeaulx, comme par le roy notre syre a l’exercice de la charge et quallitté Languedoil establye en la ville de Tours /^(h) Veues par nous les lettres patantes dudit sire donnees a Paris le vingt deux^me jour de may dernier passé ausquelles ces presentes sont attachees soubz votre signet, par lesquelles et par les causes y contenues ledit sire, par l’advis et deliberation des gens de notre son conseil privé en empliffiant la commission et pouvoir des commissaires par luy ordonnez et depputez sur le faict des empruntz et engaigement de ses dommaine, gabelles et aultre, son revenu en la tresorerye et generallitté dudit Tours , a ordonné que en luy ceddant par maitre Victor Brodeau, secretaire de la chambre dudit sire et des finances des roy et royne de Navarre , les huictiesmes des pairoisses d’Azay le Bruslé , en l’election de Chinon , Monnaye , Chissé , La Pille Sainct Mars , en l’election de Tours , et la ferme de l’imposition du foing et paille venduz en la ville de Tours et forsbourgs dudit Tours , pour la somme de troys mil quatre cens trente cinq livres tournois, et remectant ès mains du recepveur general des finances dudit sire estably audit Tours les decretz des venditions a luy faictes desdits huictiesmes et imposition, les quictances des lettres par luy fournyez pour l’achapt desdits huictiesmes et imposition et autres pieces ordonnance necessaires, et oultre en fournissant par luy, Brodeau, ès mains dudit recepveur general desdites finances audit Tours , la somme des treze cens soixante cinq livres t., faisant le parfaict de la somme de quatre mil huict cens livres tournoys, de transporter, vendre, cedder et constituer audit Brodeau, ou nom dudit sire et par ladite somme de IIII^m VIII^c l., la somme de quatre cens livres t. de rente annuelle sur le revenu des deniers, droictz de gabelle et creue du grenier et magazin a sel dudit Tours , pour en joir par ledit Brodeau, ses hoirs et ayans cause, a condition de remeré et rachapt perpetuel a icelle somme de quatre [7r°] cens livres tournoys, avoir et prandre, parcevoir par chacun an et par les quatre quarterons quartiers de l’annee, esgallement quinze jours apres, chacun escheu par les mains dudit recepveur general des finances audit Tours , et par les simples quictances dudit Brodeau ainsi que plus a plain est contenu et declairé par lesdites lettres patantes, desquelles en tant que a nous est consentons l’enterviennent d’acomplissement selon ladite lettre forme contenue en mandant audit recepveur general des finances dudit sire audit Tours , present et advenir, que des [deniers]⁽ⁱ⁾ prouvans du recu, emolument^(j), droict et gabelle et creue dudit grenier e scel de Tours , il paye, baille et delivre audit Brodeau, sesdits hoirs et ayans cause, ladite somme de quatre cens livres t. de rente, a commancer du jour et dacte du contract qui luy en sera passé par lesdits commissaires, selon et ainsi que le roy notredit sire le veult et mande par sesdites lettres patentes donnees soubz notredit signet le vingt huictiesme jour de juing l’an mil cinq cens cinquante neuf, ainsi signé Phelipeaulx, Je Jean Fournier, conseiller du roy et entr[...]^(k) en recepvoir general de ses finances estably a Tours confesse avoir receu de maitre Victor Brodeau, secretaire de la chambre de la chambre du roy et des finances des roy et royne de Navarre , la somme de quatre mil huict cens livres t., c’est assavoir comptant la somme de treze cens soixante cinq livres tournois en testons VI^c IIII^xx l. XII^ains, VI^c IIII^xx V l. et la somme de troys mil quatre cens trente cinq livres tournois en pieces cy apres declarees, assavoir en ung contract d en parchemyn du vingt septiesme jour d’aoust mil cinq cens quarente neuf, signé Bohier, Du Juglardt, Legrier et Houldry, par lequel apret que maitre Guillaume Bohier, sieur de Panchien, conseiller du roy, et Pierre du Juglart, sieur de Challaiz, commissaires et procureurs generaulx en especiaulx pour vendre, allienner et [7v°] et revendre les doumaines, droictz et revenuz des aydes et gabelles dudit sire, estantz au ressort de ladite recepte generallité establye a Tours , ont vendu, delaissé delivré et adjugé audit Brodeau, absent, maitre Galliot Mandat, prenant et acceptant pour luy les fermes des huictiesmes de ung des pairoisses d’Azay le Bruslé , Monnaye et Chissé pour le pris et somme de deux mil une livre douze solz t., plus une quictance originalle en parchemyn du vingt quatreiesme jour d’aoust mil cinq cens quarente neuf, signee de moy, Fournier, montant la somme de deux mil une livre douze solz t., plus m’ont esté fournyz les coppyes des cedictz et commisse allaouiez aux originaulx par Houldry et Legier, notaires royaulx, en vertu desquelz la vendaison desdits huictiesmes a esté faicte audit Brodeau par lesdits commissaires, le tout ataché ensemble soubz les feaulx desdits commissaires, plus m’a esté fourny ung contract en parchemyn du sixiesme jour d’apvril mil cinq cens quarente huict apres Pasques signé Bohier /^(l) de la Rue /^(m) Legier /⁽ⁿ⁾ et Du Pont, notaires royaulx, par lequel apert que ledit Bohier et maitre Marc de la Rue, commissaires et procureurs generaulx et especiaulx dudit sire pour vendre et allouer et revendre comme dict est les doumaines dudit sire estantz au ressort de ladite recepte generalité establye audit Tours , ont, en vertu du pouvoir a eulx donné par ledit sire, vendu, delivré et adjugé a Jacques Voysin, ses hoirs et ayans cause la ferme de l’imposition du foing et paille venduz dans la ville et forsbourgs dudit Tours pour le pris et somme de mil liv cinquante huict livres t. huict solz t. Plus une autre quictance originalle en parchemyn du VI^e jour d’apvril l’an mil cinq cens quarente huict apres Pasques, aussi signee de moy, montant ladite somme de mil cinquante huict livres huict solz t. Plus ung autre quictance de l’onzeme jour de mars, [8r°] signé Bohier et de la Rue /^(o) Legier et Du Pont, par lequel appert que lesdits Bohier et de la Rue, commissaires susdits, ont veueu, delivré et adjugé audit Jacques Voisin, sesdits hoirs et ayans cause la huictiesme du vin et autres bruvaiges venduz a La Pille Saint Mars pour le pris et somme de troys cens soixante quinze livres. Plus une autre quictance originelle en parchemyn du unzeiesme jour de mars l’an mil cinq cens quarente sept, signee semblablement de moy, montant ladite somme de troys cens soixante quinze livres t. Plus m’ont esté fournyz les coppyes des eedictz et commissions collationnees aux originaulx par Legier et Dupont, notaires royaulx, en vertu desquelz lesdites vendaisons et alliennations auroient esté faictes audit Voisin par lesdits commissaires, le tout attaché ensemble soubz les seaulx desdits commissaires. Plus ung autre contrat du XXIII^me jour de janvier mil cinq cens quarente huict, signé Guery, passé soubz le seing manuel du tabellion royal a Tours , par lequel appert que ledit Voisin a ceddé, delaissé, vendu et transporté a Michel Pelle ou nom et comme curateur dudit Brodeau dudit Brodeau, assavoir ladite somme de l’imposition desdits foing et paille pour la somme de mil cinquante huict livres dix solz t. et ledit tournois Et ledit huictiesme de La Pille Sainct Mars pour la somme de troys cens soixante quinze livres en lesdites sommes paiees des deniers dudit Brodeau, touttes lesquelles lesdites pieces, contractz et quictances a moy fournees et baillees de l’ordonnance de mesdits sieurs les commissaires, suyvant les lettres patentes du roy, montantz avecque ladite somme de treze cens soixante cinq livres, ladite somme de quatre mil huict cens livres tournois pour l’achapt et constitution de quatre cens livres t. de rente des deniers de la gabelle du grenier a sel de Tours , mentionné au contract sur ce faict et passé, dont je me rendz comptable cause et le roy notredit sire par la presente, signé de ma main le vingt huictiesme jour de juing l’an mil cinq [8v°] cens cinquante neuf, ainsi signé Fournyer, pour la somme de quatre mil huict cens livres t. et au bas contrerollee et enregistree par moy, contrerolleur general des finances estably a Tours , le XXVIII^me jour de juing l’an mil cinq cens cinquante et neuf, signé Huré. Collationné
[Signé] Forgeau, De la Rue, Phelipeaulx, Brodeau.

a. Signe inscrit par le scribe. — b. Signe inscrit par le scribe. — c. Signe inscrit par le scribe. — d. Terme incertain. — e. Terme incertain. — f. Difficulté de lecture : peut-être XXV^e. — g. Signe inscrit par le scribe. — h. Signe inscrit par le scribe. — i. Terme incertain.— j. Terme incertain. — k. Difficulté de lecture. — l. Signe inscrit par le scribe. — m. Signe inscrit par le scribe. — n. Signe inscrit par le scribe. — o. Signe inscrit par le scribe.