Lucas Bediou, Symon Bineau et Luce sa femme, de luy auctorisee quant a ce, la veusve Jehan Soteau, tant en leurs noms comme tuteurs et curateurs de Marion, mineure d’ans, Jehan Brontart et Robin Trascaille, tant en leurs noms comme tuteurs et curateurs de Marion, mineure d’ans, fille de feuz Guyot Bediou et Jehanne sa femme, en chacun d’iceulx noms, tant jointement que divisement, constituent procureur Jehan Abut etc, a pleider etc, promectant a avoir agreable, soubz l’obligacion de tous leurs biens et les biens de ladite Marion etc promectant a avoir agreable etc. Presens a ce pour tesmoings Jehan Brebier et Guillaume Troillart, demourans a Chartres .