Procuration donnée par Jehan de la Perrière l'Aisné à Denis de la Perriere, son fils.
Jehan de la Perriere l’Aisné, demourant a Lucé , constitue procureurs Denis de la Perriere, son filz, espace etc, a pleider etc, et par especial audit Denis de la Perriere, seul et pour le tout, puissance etc de poursuivre, pourchasser et demander, pour et au nom dudit constituant, toutes et chacunes ses fermes, moisons, pensions, loyers, debtes, arreraiges, et tout ce generalement qui audit constituant est, sera, peult et pourra estre deu, compecter et appartenir, en quelque lieu, de quelque personne et pour quelconque cause ou causes que ce soient ou puissent estre et en chevir et composer, se mestier est, du receu soy en tenir pour content, et en quicter celuy ou ceulx de qui il recevra ou aura sur ce receu, et en donner quictance etc. Promectant a avoir agreable etc. Presens a ce pour tesmoings Thomas de la Perriere et Francoys de la Perriere, enffans dudit constituant, demourans audit lieu de Lucé
.
|