Denis Quartier, demourant a Senermont parroisse de Baillau l’Evesque , vent etc a tousioursmes a messire Pierre Hoyau, prebstre, demourant audit lieu de Senermont , acheteur, present et acceptant pour luy et ses ayans cause, troys septiers et demy minot de terre en troys pieces. L’une piece contenant deux septiers ou environ assis au terrouer de Saussay, juxte la terre de l’eglise dudit Baillau d’une part, et Perrin Jaquelin d’autre part, abutant d’un bout au curé dudit lieu, et d’autre bout au chemin de Chasteauneuf. L’autre piece contenant une mine assise es ousches de Senermont , juxte ledit acheteur d’une part, et Symon le Roy d’autre part, abutant d’un bout a Michau le Duc, et d’autre bout aux hoirs feu Felix Germont. Et le tout en la censive de l’evesché de Chartres . L’autre piece contenant demy arpent assis au terrouer du Chesne d’Escorche Mouton, juxte maistre Estienne de Champront a cause de sa femme d’une part et d’un bout, et Perrin Tardineau d’autre part, abutant d’autre bout audit acheteur ; en la censive de Loys Desmozis. Le tout a telz cens et droiz seigneuriaulx comme etc. Partie propre et partie conquest etc. Vente faicte pour trente livres cinq solz tournois, dont etc, quictant etc, promectant et garantissant, obligeant etc. Presens a ce pour tesmoings Jehan Hoyau, demourant audit lieu de Senermont , et Jehan Corde, demourant a Chastenay.