Quittance donnée par Katherine Baudry à Bernart Guillepin, Marin Guillepin et Pierre Pichart, pour trois setiers de blé et douze minots d'avoine, mesure de Chartres , pour des arrérages de rente.
Katherine Baudry, veusve de feu Nicolas des Moulins, bourgeoyse de Chartres , confesse avoir eu et receu de Bernart Guillepin, Marin Guillepin et Pierre Pichart a cause de sa femme, freres et enffans de feu Jehan Guillepin, demourans a Moulou parroisse de Beauvillier , a ce presens, la quantité de troys septiers de blé et douze minotz d'avoyne mesure de Chartres , pour les arreraiges d’une annee finie et escheue a la sainct Remy derreniere passee de pareille quantité de blé et avoyne de rente, que les dessusdits enffans doyvent par chacun an a ladite Katherine veusve, comme heritiere en partie de feu maistre Jehan Baudry son frere, a cause de certaines terres assises a Nicorbin . De laquelle quantité de troys septiers de blé et douze minotz d’avoyne dessusdite pour ladite cause ladite Katherine se tient a bien payee et contente, quicte etc. Presens a ce pour tesmoings Marion, fille de feu Noel Rougeau, et Jehan Brebier, demourans a Chartres .