[Transcription partielle :] honorable homme sieurs Mathurin Lempreur et Pierre Duchamps, marchans demourans Tours , paroisse Saint Pierre Puellier, vendent a noble homme Gallyot Mandat, conseiller du roy et secretaire de ses fynances, absent, damoyselle Marie Brodeau, veuve de feu noble homme maitre Gallyot Mandat, vivant sieur de La Jonchiere, demourant audit Tours , sa mere, a ce present, stippullant et acceptant pour luy, ses hoirs et ayans cause, une maison et apartenances sisse en ladite paroisse Saint Pierre Puellier, en laquelle demoure de present ledit Mathurin Lempreur, et a laquelle pend pour enseigne Les Sept Dormans, joignant d’ung long a la maison de sieur Loys Racicot, d’aultre a la maison de sieur André Clauel, par le derriere a Jehan Bureau, boullanger, et par le davant au pavé de La Grande Rue de Tours , au fief du Bourg Saint Pierre. Plus une autre maison seante en la paroisse Saint Denys, rue de La Monnoye a laquelle pend pour enseigne Le Soleil, joignant d’ung long a la maison de Pierre Proust, d’aultre a la maison des relligieuses abbese et couvent de Beaumont lez Tours, par ung bout au pavé de la rue du Petit Soleil, et d’aultre bout au pavé de ladite rue de La Monnoye (...). Et par ces mesmes presentes, ladite damoiselle de La Jonchere a pour et au nom dudit maitre Galliot Mandat, son filz, et soy faisant et portant fort de luy en ceste partye, baillé et delaissé ausdits Lempreur et Du Champs lesdits deux corps de maison a tiltre de louaige pour le temps de ladite grace qui est de [3] ans, [33] ecus [1/3] d’escu de louage par chacun an jusques a la fin dudit bail voyre jusques au rachapt et remeré que lesdits vendeurs pourront faire desdites maisons. Es presences de noble homme maitre Jullian Odin, sieur des Grands Maisons, conseiller et maitre des comptes de mondit seigneur audit Tours , et de Pierre Levesque, serviteur de ladite damoiselle de La Jonchiere, tesmoings.
[Signé] M. Lempereur, Marie Brodeau, P. Duchamp, J. Odin, P. Levesque, R. Lefebvre.

a. Abréviation par Mathieu ou Mathurin.