Le huictiesme jour de may l'an mil cinq cens cinquante neuf, en la court du roy nostre sire a Tours , personnellement establyz et deuement soubzmis honnestes personnes Gilbert Rousseau, controlleur en la maison de la royne de Navarre , et Jehanne Rousseau, sa sere, veufve de feu Dimanche Denys, en son vivant brodeur du roy, demourant en ceste ville de Tours , pairoisse Nostre Dame l'Escrignol, lesquelz et chacun d'eulx, seul et pour le tout, sans division de partye, ont recogneu et confessé debvoir et justement estre tenuz et obligez a honnorable homme maitre Adam De Longuemort, sieur de La Goguerye, demourant en ceste ville, a ce present et acceptant la somme de troys cens livres IX deniers de pour juste et loyal prest a eulx faict content ce jourd'huy par ledit de Longuemort, en vu et monnaye de present ayant cours, dont ilz et chacun d'eulx se sont tenuz a contens, et laquelle somme de troys cens livres t. lesdits [1v°] ledit Rousseau et ladite Rousseau, sa sere, et chacun d'eulx, seul et pour le tout, sans division de partye, renonczans par d'expres au beneffice de division d'ordre et discention, ont promys rendre et payer audit Delonguemort en sa maison a Tours , dehs ung an prochain venant, avecques tous coustz et mises en deffault dudict payement ledit terme passé, et a ce ont obligé et obligent comme dessus a les renonciacions cy dessus jugé etc. et a esté declaré ausdites parties la presente est subjecte a insignation au greffe des insignations, suyvant l'ordonnance royal faict a Tours , ès presences de maistre Michel Charles, recepveur pour roy a Chertois, et Guillaume Roy, serviteur dudit Rousseau, tesmoings.
[Signé] Rousseau, Jehanne Rousseau, Bonneau.
Chartes pourpres.