Pierre Pariseau, demourant a Montmireau parroisse de Berjouville , baille cede etc par eschange des maintenant a tousioursmes a Jehan de la Mote, demourant audit lieu de Montmireau , present etc, pour luy ses hoirs etc, troys minotz de terre en une piece assis au terrouer dudit Montmireau , juxte messire Michel Roussignol, prebstre, d’une part, et le sentier tendant dudit Montmireau audit Berjouville d’autre part, abutant d’un bout a Jehan Boret, et d’autre bout a Georget le Conte, en la censive du soubz doyan de Chartres , a telz cens et droiz seigneuriaulx comme etc, heritaige etc. Pour et a l’encontre d’un habergement contenant troys fermes de maison, court et jardin en ung tenant, sicomme tout etc, assis audit lieu de Montmireau , juxte la veusve Perrin Couldroy d’une part, et ledit Pierre Pariseau d’autre part, abutant d’un bout au chemin tendant de Marcheys a Tachainville⁽¹⁾, et d’autre bout aux hoirs feu Denis Motu, en la censive dessusdite, a telz cens et droiz seigneuriaulx comme etc, heritaige audit de la Mote comme etc. Eschange fait l’un contre l’autre, sans aucun retour etc, comme etc, dont etc. Promectant tt et garantissant, obligeant tt, renoncant etc. Presens a ce pour tesmoings Jehan Larde et Pierre Boucher, demourans a Voisin parroisse de Morancees .

(1) Hameau de Thivars.