Raoulet Guillart et Jaquete, sa femme et espouse, auctorisee etc, demourans a Umpeau , confessent que en faisant le traicté de mariage d’entre Jehan Guillart, homme de braz, demourant audit lieu d’Umpeau , nepveu dudit Guillart, a ce present, et de Guillemete, fille de feu Jehan Valet dit Breton, niepce de ladite Jaquete, iceulx espoux ont donné, cedé etc, et par ces presentes donnent, cedent etc, a tousioursmes ausdits Jehan Guillart et Guillemete, son accordee par mariaige par leur parens et amys, ce qui ensuyt. C’est assavoir ung habergement contenant maison a demourer, granche, court et jardin derriere, sicomme tout etc, assis audit lieu d’Umpeau , juxte Robinet Pasquier d’une part, et le chemin tendant dudit lieu d’Umpeau a Monceaulx⁽¹⁾ d’autre part, abutant d’un bout au Pré Parfont, et d’autre bout audit chemin de Monceaulx ; item troys minotz de terre en une piece assis audit lieu d’Umpeau , juxte les hoirs feu Jehan Guerin d’une part, et les hoirs feu Pasquier Barenton d’autre part, abutant des deux boutz a Guyon Doye ; item cinq minotz de terre ou environ assis au terrouer de Champseru , juxte Jehan Rougeau d’une part, et les terres de chappitre de Chartres d’autre part, abutant d’un bout aux Feilletz ; item une mine de terre assise au chantier du Moulin Baudouyn, juxte Jehan Guerin d’une part, et Pasquiere, femme de Jehan Valet, d’autre part, abutant d’un bout au chemin tendant dudit lieu d’Umpeau a Beville le Conte , et d’autre bout a Thevenot Hervé ; item sept boisseaulx de terre assis audit lieu d’Umpeau au chantier de Vaudelou, juxte Jehan Cadre d’une part, et les hoirs feu Gilot Patre d’autre part, abutant d’un bout au chemin tendant dudit lieu d’Umpeau a Beville le Conte , et d’autre bout a Petit Jehan le Roy ; item deux boisseaulx et demy de terre assis audit terrouer, juxte Katherine, veusve de feu Jaquet Pasquier, d’une part, et les Vacherotz d’autre part, abutant d’un bout au chemin d’Auneel et ausdits hoirs feu Gilot Patre ; item ung septier de terre en une piece assis au terrouer appellé Pierre Mamain, juxte Fraslin Marie d’une part, et Guillemyn Barenton d’autre part, abutant d’un bout au chemin de Paris , et d’autre bout a Martin Le Roy ; item unze boisseaulx de terre en une piece assis ou chantier de Vandelou, juxte Lubin Pasquier d’une part, et ledit Raoulet Guillart, donateur, d’autre part, abutant d’un bout aux hoirs feu Jehan Guerin, et d’autre bout audit chemin tendant d’Umpeau a Beville le Conte ; item ung septier de terre en une piece assis audit terrouer d’Umpeau , juxte Guillemyn Barenton d’une part, et Jehan Barenton d’autre part, abutant d’un bout audit chemin de Paris , et d’autre bout a la femme Thomas Courees ; item une mine de terre ou environ en une piece assise audit terrouer d’Umpeau ou chantier du Marays, juxte les hoirs feu Colas le Large d’une part, et Jehan et Pasquier les Barentons et autres d’autre part et d’un bout, abutant d’autre bout au sentier tendant d’Umpeau a Loynville ; item une autre mine de terre assise audit terrouer de Vaudelou, juxte Jehan Guerin d’une part et d’un bout, et ledit donateur d’autre part, abutant d’autre bout audit chemin tendant dudit lieu d’Umpeau audit Beville le Conte ; lesdits heritaiges dessus declarez en la censive des doyan et chappitre de Chartres . Item quatre boisseaulx et la moictié de demy minot de terre ou environ en une piece sicomme elle etc, assis au terrouer du Monceau Sainct Jehan au chantier de La Noe, juxte ledit domateur d’une part, et Jehan Pasquier d’autre part, abutant d’un bout au chemin tendant dudit Monceau a Villiers le Boys , et d’autre bout aux terres de la Bouteliere ; en la censive des religieulx de Sainct Jehan en Vallee. Item deux septiers de terre assis ou chantier de Perreuse, juxte les hoirs feu Michau Robert d’une part, et Jehan Bouvier d’autre part,abutant d’un bout a Jehan Horeau, et d’autre bout a maistre Regnault de Mendibulle ; en la censive de Rogerin de Rameray, escuier, sieur de La Brosse, conquest ausdits donateurs comme etc. Item ung septier de terre assis au terrouer de Male Fousse, juxte la femme Gervaise Digne d’une part, et Jehan Le Clerc, mareschal, d’autre part, abutant d’un bout a Hector et Pierre les Guerins, et d’autre bout ausdits hoirs feu Gilot Patre ; en ladite censive de chappitre. Item ung minot de terre assis audit terrouer de Vaudelou, juxte Yvonnet Patre d’une part, et lesdits donateurs d’autre part, abutant d’un bout audit chemin tendant dudit Umpeau audit Beville le Conte ; en ladite censive. Item huit boisseaulx de terre assis au terrouer de Monceaulx au chantier de La Noe au chantier de La Noel^(a), juxte lesdits donateurs d’une part, et les hoirs feu Jehan Bienvenu d’autre part, abutant d’un bout aux terres de La Boutelerie, et d’autre bout au sentier tendant dudit Monceaulx a Villiers le Boys ; en la censive desdits religieulx de Sainct Jehan. Le tout a telles charges et reddevances, comme etc. Heritaige a ladite Jaquete, comme etc. Item tous generalement et chacuns les biens meubles de present appartenans ausdits donateurs, ou et en quelque lieu qu’ilz soient assis, situez, sceuz, dictz ou trouvez ,desquelz biens heritaiges et biens meubles dessusditz lesdits donateurs se sont dessaisiz, desmis et desvestuz en la main dudit tabellion etc, veuz lesquelz consentement et acord ledit tabellion juré l’en a les en a saisiz et vestuz etc, par les bail etc de ces presentes lectres. Cestz don, cession et transport faiz pour la bonne amour et affinité naturelle que lesdits Raoulet Guillart et Jaquete sa femme avoient et ont ausdits Jehan Guillart et Guillemete sa fem future espouse, et en avancement de succession a eulx et a leurs hoirs, ayans cause, et dont etc. Promectant lesdits Raoulet Guillart et sa femme non venir contre, obligeant, renoncant etc. Presens a ce pour tesmoings Guillaume Milcent, demourant audit lieu d’Umpeau , et Jehan Barenton, demourant a Chartres .

(1) Hameau de Champseru. (a) sic.