Le seizeiesme jour de may l'an mil V^c soix soixante et onze, en la court du roy nostre sire a Tours , personellement establye et deuement soubzmise dame Claude Sireau, veufve de feu maitre Jehan de Rohan, dame dame de La Faulle^(a), demourant en ceste ville de Tours , soubzmetant etc. laquelle a cogneu et confessé avoir vendu, ceddé, quicté, delaissé et transporté et, par ces presentes, vend, cedde, quicte,delaisse et transporte, dehs a present a tousjoursmays perpetuellement par heritaige, a noble homme Adam Delonguemort, sieur de La Goguerye, et dame Jehanne Cireau, sa femme, a ce presents et achaptans, agré pour eulx, leurs hoirs et ayans cause. Scavoir est la sixiesme partye par indivis du lieu et apart mestairye apartenant et deppendant de Villiers, situé en la paroisse de Lezillé , en plusyeurs pieczes, le tout ainsi que ladite sixiesme partye est escheu et advenu a ladite venderesse par le partaige cy devant faict dudit lieu dut et apartenant, entre elle et ses echeoirs^(b), dont ledit sieur de La Goguerye, a cause de sa femme en est l'ung,par devant une partie ont notaire le le XXVIII^e jour d'octobre mil V^c soixante et ung, ont par lequel ledit lieu et apartenance de Villiers est a plain desge^(c) par joignants^(d) et confrontations^(e), et sans autre chose partie de ladite sixiesme partye en reserver et retenir par ladite venderesse et tout ainsi que ledit lieu s’estend poursuyt et comporte, et que le mestayer demourant audit lieu en a cy devant jouy a tiltre de ferme et en joist encores de present, et sans aulcune chose en exepter, reserver et retenir par ladite vendresse, lesdites choses estans au fief de Ce (blanc), et charges des debvoirs contrans, deuz et acoustumez estre payez audit sieur de fief et aultres que lesdites partyes n’ont sceu aulcunement deppendre(f), pourvues^(g) estre a present, acertenir^(h) franches et quictes des arreraiges de tous lesdits cens, rentes et debvoirs jusques a huy et autre etc. par nom et tiltre de la partye vendue quy a esté et est faicte pour le [1v°] pris et somme de six cens livres t., laquelle somme lesdits achapteurs ont payee, baillee et nombree manuellement contant, en presence dudit notaire et tesmoings, a ladite venderesse en piecez d'or sol., doubles ducatz et aultres especes d'or et monnaye, le tout de present ayant cours, dont ladite venderesse s'est tenue pour contante comme susdit etc. promectans ladite venderesse garentir lesdites choses cy dessus par elle vendues et icelles delivrees et deffendues de tous troubles, hipothecques et empeschemens quelconques, perpetuellement envers et contre tous. Et a esté dict et accordé entre ledit Delonguemort, et ledit sieur de La Goguerye, et ladite Jehanne Cireau, sa femme, que lesdites choses cy dessus par eulx acquises dudit Delafolly de ladite venderesse seront et demoureront le propre de ladite Sireau, pour satisfaire par ledit Delonguemort partye de l’employ qu'il est tenu par le contract de leur mariaige, faire pour et au proffy de ladite Sireau de la somme de quinze cens livres t. en acqest quy doibt estre censé et reputé le propre de ladite Sireau. Et lequel acquest cy dessus contenu ledit Delonguemort a declaré faire pour en partye acomplir ladite obligation et promesse portee par ledit contract de mariaige ce quy a esté accepté par ladite Cireau pour elle, ses hoirs et ayans cause. Et quant a tout etc. oblige ladite venderesse etc. renoncant etc. fet etc. jugé etc. faict audit Tours , ès presences de noble homme Gilles Forme secretaire de monsieur le prince de Condé,demourant audit Tours gendre de ladite venderesse et demourant audit Tours , et Jouachim Marchant, clerc, tesmoings.
[Signé] DeLonguemort, Claude Sireau, Forme pour present, Jehanne Sireau, Digoys, Marchant pour present.

a. Transcription incertaine. — b. Doit signifier héritiers. — c. Terme incertain. — d. Terme incertain. — e. Terme incertain. — f. Terme incertain. — g. Terme incertain. — h. Terme incertain.