Le seizeiesme jour de may l'an mil V^c soixante onze, en la court du roy nostre sire a Tours , personellement estably et deuement soubzmis honorable homme maitre Thomas Delafollie, procureur au siège présidial de Tours , soubzmectant etc. lequel a cogneu et confessé avoir vendu, ceddé, quicté, delaissé et transporté et, par ces presentes, vend, cedde, delaisse et transporte, des a present a tousjoursmans perpetuellement par heritaige, a noble homme Adam de Longuemort, sieur de La Goguerye, et dame Jehanne Cireau, sa femme, a ce presens et achaptans, agré pour eulx, pour eulx, leur hoirs et aians cause. Scavoir est la sixiesme partye par indivis du lieu, mestairie, apartenances et dependances de Villiers, situé en la paroisse de Lezillé , en plusieurs pieces, et tout ainsi que ladite sixiesme partye est escheut et advenut audit vendeur par le partaige cy davant fet dudit lieu et apartenances, ensemblement ses a^(a) heritiers, dont ledit sieur de La Goguerye a cause de sa femme en est l'ung, par devant Gailleteau, notaire le XXVIII^e jour d'octobre mil V^c soixante ung partar^(b) lequel ledit lieu audit achapteurs de Villiers est a plain des[...], par joignans et confrontation. Et tout ainsi que ledit lieu estand pour suyt et comporte, et que le mestairié demourant audit lieu en a cy davant jouy a tiltre de ferme et en joist encores de present, et sans aulcune chose en excepter, reserver et retenir par ledit vendeur, lesdites choses estans ou fief de (blanc) et chargés des debvoirs, contians, deuz et acoustumez des[...] pa[...] audit sieur et fief et autres que lesdites partys n'ont sceu autrement autrement declairer pour n'en es[...] a present actuelles franches et quictes des accords, et tous lesdits cens, rentes et debvoirs jusques a huy a avoir [...] par nom et tiltre de la presente vendaison, comme a esté et est faite pour le pris et somme de six cens livres t., laquelle somme lesdits achapteurs ont paiee, baillee et nombree manuellement comtant, en presence dudit notaire et tesmoins audict vendeur, en escuz d'or, sols doubles ducatz et autres especes d'or et monneye, le tout de present aians cens^(c) dont ledit vendeur s'est tenu pour contant l'auth[...], ledit promectant ledit vendeur garentir lesdites choses cy dessus [1v°] par luy vendues ne icelles plairer^(d) et deffendre de tous troubles hipotecques et descheues^(e) quelzconques, perpetuellement contans^(f) et [...] est a ceste dict accorde en[vers]^(g) ledit de Longuemort, sieur de La Goguerie, et ladite Jehanne Cireau, sa femme, que lesdites choses cy dessus par eulx acquises dudit vendeur seront et demourront le propre de ladite Cireau, pour satisfaire par ledit Delonguemort a partye de l'employ qu'il est tenu par le contract de leur mariage faire pour et au proffict de ladite Cireau de la somme de quinze cens livres en acquest comme doibt es[tre] close et rebutté le propre de ladite Cireau. Et lequel acquest cy dessus ledit Delonguemort a declaré faire pour en partye acomplir ladite obligation et promesse portee par ledit contract de mariage, ce que a esté accepté par ladite Cireau pour elle, ses hoirs et aians cause. Et quant a tout etc. obligent ledit vendeur etc. renoncans etc. fet etc. jugé etc. faict audit Tours , es presence de honorables hommes maitre Xpofle Lemaistre, advocat, et Pierre Caillault, procureur au siege presidial de Tours , tesmoins.
[Signé] DeLonguemort, DeLaFolie, Jehanne Sireau, Lemaistre pour present, Caillault pour present, Digoys.

a. Incompris. — b. Incompris. — c. Terme incertain. — d. Terme incertain. — e. Terme incertain. — f. Terme incertain. — g. Terme incertain. — h. Terme incertain.