Symon Aubert et Jehanne, sa femme, auctorisee etc, demourans a Luysant
parroisse de Sainct Lomer pres Chartres
, baillent, cedent etc par eschange des maintenant a tousioursmes a Macé de la Tousche et Jaquete, sa femme, auctorisee etc, demourans a Lucé
, pour estre et demourer le conquest d’eulx deux et pour leurs hoirs etc, demy quartier de vigne ou environ en une piece, sicomme elle etc, assis au terrouer de Mautrou, juxte Lubin de la Tousche d’une part, et Robert Guerin d’autre part, et des deux boutz audit Macé de la Tousche, a telles charges et reddevances comme etc, et envers qui etc, heritaige a ladite Jehanne. Pour et a l’encontre d’une denree de vigne assise au cloux du Vuner, juxte Jehan Aubert d’une part et d’un bout, et Jaquet Binet d’autre part, abutant d’autre bout a Jehan Poussemote de Mainvillier
, en la censive du prieur de Sainct Martin ou Val, a telz cens, droiz seigneuriaulx, charges et redevances comme etc, heritaige a ladite Jaquete etc. Eschange fait l’un contre l’autre ainsy que dit est, but a but, sans retour etc. Promectant tt et garantissant de leurs faiz etc, obligeant tt renoncant etc. Presens a ce pour tesmoings Jehan Brebier et Guillaume Troillart, demourans a Chartres
.