[Transcription partielle :] Le vingt quatriesme jour de decembre l'an mil soixante et douze, (...) honorable homme Jehan Mathie Salmatory, marchant audit Tours , pour et au nom du sieur Orace de Sainct Severin, chevalier de l'ordre du roy, s'est transporté par devers et a la personne de noble homme maitre Francoys Martin, conseiller du roy et recepveur general de ses finances, estably a Tours , lequel en parlant a sa personne il a requis somme et interpellé de luy payer pour et au nom dudit sieur Orace la somme de mil livres t. pour sa pention du present, quartier d'octobre, novembre et decembre, offrant luy payant ladite somme luy bailler et laisser ung blanc en parchemyn dudit sieur, lequel blanc il a presenté et monstré audit sieur Martin, signé Oratce Sanseveryne et sellé en plascart pour luy sieur^(a) d'acquet et quicter^(b) d'icelle comme prottestant^(c) a tiltre de payement d'icelle, de tout despens, domaiges et interestz, lequel sieur Martin a fet response qu'il est deu plusyeurs restes pour le payement de ladite partye et aultres assignez, lesquelz estans venuz et le quartier escheu il payera dont et de ce que dessus audit Mathie Salmatory oudit nom, ce requerant ay octroyé ce present acte pour servir et valloir audit sieur Orace en temps et lieu ce que de raison faict audit Tours , es presence du maitre Martin Legier, tresorier et payeur de la compaignye du roy de Naverre , Guillaume Nau, demourant en la maison dudit Mathie, et Jouachim Marchant, clerc audit Tours , tesmoings.
[Signé] Digoys.

a. Terme incertain. — b. Terme incertain. — c. Terme incertain.