[Transcription partielle :] Le [ 3 décembre 1576] (...), honorables hommes sires Pierre Nicollas⁽¹⁾ et Gilles Lasnyn⁽²⁾, marchands, vendent par heritage a noble homme Martin Debeaune, sieur de La Chemoye, conseiller du roy et maitre ordinaire de ses comptes en Bretagne , demourant audit Tours , absent, noble homme Victor Brodeau, sieur de Candé et de La Chassetiere, conseiller au privé conseil des roy et royne de Navarre et secretaire de leurs commandemens et finances, acceptant pour ledit sieur de La Chermoye, son oncle, comme procureur et ayant charge de luy, le lieu et metairie de La Chesnellyere, situé en la paroisse Saint Patrice , consistant en maisons, grange, tetz a bestes, ousches, cheveuraulx et jardrins, en trente arpens de terres labourables, dix arpens de boys taillys, quatre arpens de vigne et troys arpens de prez, que en jouist de jourd'huy ledit Nicollas, comme il a dict a moyen de l'acquest qu'il en a faict estant ledit lieu et mestairye ou fief de Rochecot (...), plus le lieu et closerye de La Fremynellerye, [paroisse de Vallieres ], (...) pour le pris et somme de douze cens livres t. (...) grace de troys ans (...). Fait audit Tours , ès presences de Jehan Prieur et Martial Chabot, serviteurs dudit sieur de La Chassetiere, tesmoings. Et a ledit Chabot delclaré ne scavoir signer.
[Signé] Brodeau, Nicollas, Lasnyn, Prieur, Digoys.
[Le 3 décembre 1576] ledit Brodeau, sieur de La Chassetiere et de Candé, pour et ou nom dudit Debeaune, a baillé a tiltre de ferme ausdits Pierre Nicollas et Gilles Lasnyn les lieulx, mestairyt, clozeryt, et maisons vendues (...) durant le temps de troys ans (...) la somme de cent livres t. par an (...) Jehan Prieur et Martial Chabot, tesmoings.
[Signé] Brodeau, Nicollas, Prieur, Lasnyn, Digoys.
[Le 17 juillet 1585] (...) noble homme Philippert Martin, procureur du roy en la mareschaussee de Loudrin^(a), heritier en partye de noble homme maitre Martin Debeaulne, vivant sieur de La Charmoise, nommé au contract cy dessus, tant pour luy que pour damoiselle Ysabel Martin, sa soeur, aussy heritiere dudit deffunct, receu de honneste femme (...) Nicollas, veufve de feu Gilles Lasnyn, (...) la somme de deux cent escuz d'or sol. (...) par et en desdaction de la somme de quatre cens escuz, pour laquelle ledit deffunct Lasnyn et Pierre Niccollas, (...) avoient faict vendaison audit deffunct sieur de La Chaimoise (...). Faict audit Tours , en la maison dudit notaire, avant mydy, et procureur de honorable homme maitre Anthoine Boutault, procureur au siege presidial de Tours , demourant en la pairoisse Notre Dame de l'Escrignol, et Pierre Debourgalle, p[racticien]^(b) audit Tours , tesmoings.
[Signé] P. Martin, Boutault, Deboingalle, Digoys.
[Le 30 septembre 1586] (...) noble homme Philippert Martin, procureur du roy en la mareschaussee de Lodan (...), receu dudit Pierre Nicollas, (...) par les mains de sire Anthoine Lhuillyer, marchant audit Tours , son gendre, (...) la somme de deux cens escuz sol. (...) pour le reste, et parfaict payement et remboursement de la somme de quatre cens escus sols pour le rachapt (...) des heritaiges venduz par le contract cy dessus (...). Faict audit Tours , en l'estude de moy, notaire, apres midy, ès presences de honorables hommes maitres Denis Guyot et André Langloys, procureurs au siege presidial de Tours , demourans audit Tours , tesmoings. (...)
[Signé] Martin, Guyot present, Langloys, Digoys.
[Actes suivis par la procuration]

1. Pierre Nicollas demeure dans la paroisse Saint-Hilaire de Tours . — 2. Gilles Lasnyn demeure dans la paroisse de Notre-Dame-de-L'Écrignole de Tours . — a. Pour Lodan. — b. Terme incertain.