[Transcription partielle :] noble homme Victor Brodeau, sieur de Candé, conseiller et secretaire des roy et royne de Navere, demourant en ceste ville de Tours , (...) contynue (...) a Romain Gaultyon, laboureur demourant au Boys Brandon, paroisse d'Azay sur Cher , a ce present, prenant, stepellant et acceptant le bail a ferme du lieu, fief, terre et seigneurye du Boys Brandon jusques a six annees et six cuillets entieres (...), commenczans au jour de Toussaincts prochain venant (...) et en payer de ferme par chacune desdites annees audit sieur bailleur pareille somme qu'il estoit tenu par son precedant bail, qui est la somme de quatre vingts livres t., douze chappons, douze poullets, une ouye graisse et ung chevreau, payable assavoir ladite somme, chappons et ouye au jour de Toussaincts et ladite chevreau au jour de Pasques (...) [1v°] et quant ausdits poullets au jour de Panthecoste (...), le tout rendu par chacune desdits termes en ceste ville de Tours , en la maison dudit sieur bailleur ou en sa maison seigneuriale de Candé, au cheoix et option dudit sieur, et oultre a la charge de faire et acomplir par ledit preneur les charges, clauses et conditions portez et contenues par sondit precedant bail, passé pardavant DeLaunay, notaire royal estably ou court de Montbason , le vingt neufviesme jour de juing mil V^c soixante et huict (...). Faict audit Tours , ès presences de Jehan Prieur, serviteur dudit sieur bailleur, et Anthoine Nicollas, clerc dudit Tours , tesmoings. Et a ledit preneur declaré ne scavoir signer.
[Signé] Brodeau, Prieur, Digoys, Nicollas.