Guillaume Gervaise et Michelle, sa femme, auctorisee etc, demourans a Chartres , vendent etc des maintenant a tousioursmes a Jehan Brontart le Jeune et Jaquet Brontart, freres, enffans de Symon Brontart, demourans a Luysant , parroisse de Sainct Lomer pres Chartres , absens, en la personne et presence dudit Symon Brontart, leur pere, acceptant pour lesdits Jehan et Jaquet Brontars, leurs hoirs etc, une piece de vigne contenant demy quartier ou environ, si comme etc, assise aux Plantes Gougis pres ledit Luysant , juxte les hoirs du feu Grant Binet d’une part, et les hoirs feu Jehan Vendercac d’autre part, abutant d’un bout au chemin tendant Sainct Lubin a la Croix Blanche, et d’autre bout au grant sentier commun des vignes. En la censive du prieur de Sainct Martin ou Val pres Chartres , a telz cens et dismes, comme etc. Heritaige audit Guillaume Gervaise, comme etc. Vente faicte pour huit livres dix solz tournois des deniers diceulx mineurs, dont etc, quitant etc. Promectant et garantissant, obligeant, renoncant etc. Presens a ce pour tesmoings Guillaume Troillart et Gilete, fille de feu Gilet Guybert, demourans a Chartres .