[Le 15.12.1576 :] [...] honorables hommes Laurens Delagauldrye, marchant demeurant a La Roche de Pouzay , et Jacques Delagauldrye, son filz aussi marchant demeurant en ceste ville de Tours paroisse Saint-Denys, tant en leurs noms que eulx faisants et portans forts de Catherine Barrilleau, femme dudit Jacques [...] ont congneu et confessé avoir vendu [...] des a present a tousjoursmays perpetuellement par heritaige a noble homme maitre Gatien Marbault, conseiller et secretaire ordinaire des roy et royne de Naverre et de et damoiselle Ysabeau Fallaiseau sa femme demeurans en ceste a ce present et achaptant agré pour luy ses hoirs etc. C'est assavoir le lieu et mestairye des Rynaulx situé en la paroisse de Meray Le Gaulyer consistant en maisons grange tetz a bestes, terres onsches, cheveuralx, terres labourables, prez, vignes et pasturralx le tout contenant quarente cinq [1v°] arpens de terre ou environ [...] avecques le fief et seigneurye de Mouchan consistant en cens rentes tant en deniers bledz graines que poullailles comme s'entend en la paroisse de Lezigny pres ledit lieu et mestairye le tout tenu du fief de Meray et chargez assis ledit lieu et mestarirye de troys deniers de cens et debvoirs seigneurial par chacun an et ledit fief de Mouchan [...] plus vendent lesdits vendeurs [...] audit achapteur le lieu fief terre et seigneurye du Plestex situé en la paroisse de Barrou consistant aussi en maisons, grange, tetz a bestes, terres labourables, prez, vignes, boys, taillys et de halte festay [...] le tout contenant cent arpens de terre ou environs [...] que en jouist de jourd'huy ledit Delagaudrye pere et sans aulcune chose en exceller res[...] et retenir par lesdits vendeurs tenir ledit lieu fief et seigneurye du la maison seigneurial Destableau a foy et hoiraige et a six deniers de franc debvoir [...] Et lesquelles choses vendues lesdits vendeurs [...] ont certiffié et asseuré audit [2r°] achapteur estre de revenue [...] de la somme de cent livres tournois et plus et ont promis [...] les faire valloir par chacun an ladite somme [...] la presente vendaison qui a esté et est faicte pour le pris et somme de douze cens livres tournois laquelle somme ledit achapteur a payee, baillee et nombree manuellement contant en presence dudit notaire et tesmoins ausdits vendeurs [...] [pièces] [...] dont et de laquelle somme de XII^c livres tournois lesdits vendeurs [...] se sont tenuz pour contans et en ont quicté et quictent ledit achapteur es hoirs etc. O grace retenue par lesdits vendeurs et a eulx donnee et octroyé par ledit achapteur telle que toutesfoys et quantes que dehs d'huy en troys ans prochains venans lesdits vendeurs ou l'ung d'eulx payeront et rembourseront audit achapteur ladite somme de douze cens livres tournois avecques les loyaulx coustz fraiz et misespour ce faictz et les arreraiges de la ferme ou fruictz desdites choses au prorata du temps et jusques [2v°] au jour dudit payement et remboursement [...] en cestedite ville de Tours en la maison dudit achapteur [...] et de cause? que ladite somme de douze cens livres tournois cy dessus payee est yssue et provienne de la bien moyen et vende? des propres dudit Marbault achapteur ainsi que damoiselle Ysabeau Fallaizeau sa femme a ce presente a recongneu et confessé est cogneu et accordé que le present acquest est et demoure sera et demourra propre audit Marbault achapteur et de pareille nature [...] faict audit Tours es presences de Pierre Sollimon chaussetyer demeurant en ceste ville paroisse Saint-Satournyn et Yves Gauvry, serviteur dudit sieur Marbault tesmoins.
[Signé :] Delagauderye - Delagauldrye - Marbault - Y. Gauvry pour present - Ysabeau Falaiseau - Sollimon - Digoys

[15.12.1576] [3r°] [...] ledit Marbault achapteur cy dessus nommé lequel a baillé et baille [...] a tiltre de ferme ausdits Laurens et Jacques Delagauldrye pere et filz vendeurs aussi cy nommez [...] pour en jouyr lesdits Delagaudrye presents audit tiltre durant le temps de troys ans [...] commenczans ce jour d'huy [...] pour en faire et payer de ferme par chacune desdites annees par iceulx preneurs [...] audit Marbault la somme de cent livres tournois payable par les quatre quartiers de chacune d'icelles années aux quinziesmes jours des moys de mars juing septembre et decembre [...] en la maison dudit bailleur audit Tours et oultre a a la charge de payer par lesdits preneurs les cens rentes charges et debvoirs [3v°] deubz [...] bons peres de famille [...] fait audit Tours es presences desdits Pierre Solimon et Yves Gauvry nommez au contract cy dessus tesmoins.
[Signé :] {Delagauderye - Delagauderye - Marbault - Y. Gauvry pour present - Sollimon - Digoys

[19.02.1580] [...] Laurens Delagaulderye vendeur cy dessus nommé a presentement payé et remboursé contant audit Marbault achapteur aussi y nommé a ce present la somme de quatre cens escuz pour la valluation? et reduction de la somme de douze cens livres tournois pour le rachapt et revere? des heritaiges venduz par le contract cy dessus [4r°] par ledit Laurens Delagaulderye et Jacques Delagaulderye son filz audit Marbault pour ladite somme de douze cens livres tounrois icelle somme de quatre cens escuz payee en troys cens cinquante et un francs trente six quarts d'escuz cent quatre vingts six ducatz millertz? quarente et ung pistollet vingt cinq escuz solz trente deux realles? de XX solz pieze et dixhuict solz monnaie et oultre a ledit Marbault confessé avoir receu dudit Laurens Delagaulderye la somme de cinq escuz cinquante six solz tournois pour les arreraiges de la ferme desdits heritaiges venduz qui estoient deubz jusques a huy ensemble la somme de soixante solz tournois pour les fraiz et loyalx coustz et mises dudit contract de vendaison dont et de laquelle somme de quatre cens escuz pour ledit principal ensemble de ladite somme de cinq escuz cinquante six solz pour lesdits arreraiges et de ladite somme de soixante solz tournois pour lesdits fraiz et mises ledit Marbault s'est tenu pour contant et en a quicté et quicte lesdits Laurens et Jacques Delagaulderye [...] Ledit contract de vendaision cy dessus nul et resolu et comme non faict et advenu [...] faict audit Tours es presences de Gilles Billault, marchant maitre orfebvre dudit Tours et René Ganay, clerc dudit Tours tesmoins.
[Signé :] Marbault - Digoys - Billault - Ganay.