Autre mise faicte pour ladicte entree

A Jehan Dore, menusier, pour deux chappiteaux faiz sur deux pilliers mis oudit carroué, sur lesquelz estoient le porc espy et l’ermyne, deux escuczons de boys moulé, lesditz pilliers fait les segretz des tuaux de plomb pour gectez le vin, et pour avoir fourny de boys a ce nécessaire, fors le boys desditz piliers, a esté paié pource XXV s.

A Loys Constely^(a), pintier, pour la façon de deux tuaulx de plomb par luy baillez qui ont servy a faire gecter le vin par lesditz porc espy et hermyne a l’entree de la royne, a esté paié, tant pource que pour le dechect du plomb dont ont esté faiz lesditz tuaulx d’appoinctement fait avecques luy, la somme de XXXVII s. VI d. comme peut apparoir par quictance. Pource XXXVII s. VI d.

[f° 5 v°] A Huguet le Barrier, appothicaire, pour la façon et dechect de deux lys mis ou meilleu et au-dessus desditz porc espy et hermyne, a esté paié pource XXV s.
Par quictance

A Robin Rousseau, charpentier, Olivier Muguet, Pierre Perac, Mathurin Lostellier, Pierre Voisin et Pierre Thonrault^(b), aussi charpentiers, ses serviteurs, pour chacun deux journees par eulx mises et emploiees tant a faire les pilliers qui soustenoient lesditz porc espy et hermyne, le parc ou lices estant pres le mast soubz le pavillon, et aussi les chaffaulx estans alentour dudit mast fourny de perches a ce nécessaires, a esté paié la somme de XXXIIII s. II d. tournois, qui est au pris de III s. IIII d. pour chacune journee et despens dudit Rousseau, et II s. VI d. pour chacune journee de sesdictz serviteurs. Pource, cy XXXIIII s. II d.
X

Audit Rousseau, pour avoir fourny d’un guyndas fait charroyer lesditz pilliers des greves a la maison de la ville, iceulx recepez et mis en leur lieu, a esté paié pource III s. IIII d.
A luy.
X

[f° 6] Remis ces troys articles a la somme de IIII l. X s.
Et depuis a C s. t.
A Jehan Prunelle, menusier, pour le dechect du seaige dont a esté fait le grant chaffault du carroué sur lequel estoient les petiz enffens, et autres choses pour le fait de ladicte entree, pource que ledit seaige a esté rongné et percé en plusieurs lieux, a esté paié.

A luy, pour avoir fait l’echaffault d ront estant ou meilleu du mast et l’avoir mis et soubzpendu aussi comme ou meilleu dudit mast ; et fourny de boys, repartaige, seaige, cercles, de chacun quatre toises de long ; huit grans chevilles de fer et autre clou comme chevilles d’un denier, becdane, clou de Gien ; d’appoinctement fait avecques luy ; a esté paié.

A luy, pour troys grans pavoiz esquelz a une toise de boys faiz pour le mistere de Julyus Cesar que on vouloit jouer a la tour des grans ponts a la venue du roy, ce que n’a esté fait parce que ledit seigneur ne fist aucune entree, a esté paié pource VII s. VI d. IIII l. X s. C s.
A Jacquet Julian, menusier, pour avoir fait ung parquet au puiz pres Saint Denis et ung autre au boulovart pres la porte Galaffre, pour y dresser deux tables a faire les bancquetz a ce que les gens ne les feissent tumber, ou a ce faire il a fourny de tout boys pour dechect et façon, a esté paié pource XII s. VI d.

[f° 6 v°] A Jehan Pleuray, menusier, pour une toise et demye de seaige plat par luy baillé pour faire ung chaffault sur le pont leveys, pres La Mayte, sur lequel on devoit faire le mistere de Julius Cesar ; et pour le salaire de luy et son filz qui ont ce fait, ou ilz ont vacqué chacun demye journée ; et aussi pour avoir mis et assis deux pieces longues de charpenterie sur les murs d’entre la chappelle et la tour du pont, des deux coustez, pour tendre les cordes a mectre les draps dessus pour ladicte entree ; a esté paié pource XVII s. VI d.

A Pierre Hardyon, pour cloux, crochetz et autres clou palasteretz mis et emploié tant ausdictes deux pieces de boys pour tandre lesdictes cordes que autre part pour le fait de ladicte entrée, a esté paié pource V s. X d.

A Jehan Duruau le jeune, pour autre clou par luy achapté pour servir a faire les chaffaulx dudit carroué, II s. IIII d.

A luy, pour grosses espingles mises a atacher ledit pavillon. Pource X d.

A luy, pour le soupper de Guillaume Bourgeau, Jamet Macquain, Pierre Lefranc et René Gaudion, a ung soir qu’ilz faisoient besoigner les femmes et filles a couldre les draps dudit pavillon, a esté paié pource IIII s. VI d.

[f° 7] A Jehan Rougemont, pelletier, pour avoir fourré une robe de taffetas rouge pour celuy qui devoit faire le mistere de Julius Cesar, pour façon et dechect, a esté paié pource XXV s.

A Henryet Gillebert, tavernier, pour despense faicte en l’ostel de ladicte ville pour les femmes et filles qui ont couru lesditz draps dudit pavillon, et aussi pour Jehan Duruau, Jamet Macquain, Jehan Gaudion, Simon Gonellard^(c), ledit Moreau, maistre Francoys Dajollet, Denis Dieu, Loys Constely^(d) et autres qui ont vacqué tant a amassez les draps que a les rendre, en oultre autres particuliers dont cy apres sera parlé qui semblement ont aidé a rendre partie desditz draps et autres choses, a esté paié pource XLIX s.

Audit Henryet, pour quatre vings pintes de vin blanc par luy baillé pour fournir aux fontaines faictes oudit carroué que gectoient avecques autre vin rouge lesditz porc espy et hermyne, et aussi pour les banquetz faiz es faulxbourgs de Saint Denis, au pris de VI d. la pinte. Pource XL s.

A luy, pour boys, fagotz et chandelle par luy baillees en l’ostel de ladicte ville l’espace de huit jours pour servir aux femmes et filles qui ont couru les draps dudit pavillon, et aussi aux commissaires ordonnez a faire et preparer ladicte entree, a esté paié pource XXV s.

a. ou Coustely. – b. ou Thourault. – c. ou Govellard, Gouellard. – d. ou Coustely.