[f° 1] Presenté ce present compte en la maison de la ville d’Amboise le vingt quatriesme jour d’avril l’an mil cinq cens cinquante ung par devant nous Francoys Fromont, licencié es droitz, conseiller du roy nostre seigneur et lieutenant general [à] Amboise , en presence des nommez cy apres et soubz signez.^(a)

Compte que rend Denis Carré des deniers qu’il a receuz pour frayer et fournir aux despences et mises qu’il a convenu faire a l’entree des Roy et Royne en ceste ville d’Amboise , commis a ce [f° 1v°] faire par messieurs de ladicte ville, ainsi qu’il s'ensuyt.

Recepte

Et premièrement, receu de Laurens Piger, seigneur des Clouseaulx, pour argent qu’il a presté a la ville, dont nous sommes obligez mon compaignon et moy, la somme de cent livres tournoys. Pource, cy C l. tournoys
Vérifié ce present article après qu’il est apparu de l’assemblee du unzeiesme jour de novembre mil V^c cinquente. Et partant, ladite ville demeure chargee d’acquicter ledit Carré de ladite somme envers Laurens Piger, paticier du roy, qui a presté ladite somme [paraphe]

Plus receu de Geoffroy [f° 2] Baffoue, fermier de l’apetissement, pour le quartier d’octobre, novembre et decembre, la somme de quatre vingts dix livres tournoys comme appert par dont il a baillé sa quictance que luy ay ballee[sic]. Pource, cy IIII^xx X l. tournoys.
Verifié

Plus, receu de sire Jehan Blanchart la somme de cent livre tournoys pour le louoyeur^(b) de cinq annes qu’il a advancee du grenier a scel de la maison de ville. Pource, cy C l. tournoys.
Verifié

Plus receu de Jacques [f° 2v°] Cousturier, fermier du barraige, pour le quartier d’octobre, novembre et decembre, la somme de douze livres dix solz tournoys. Pource, cy XII l. X s.
Dont il a baillé quictance
Verifié

Item, plus de sire Loys Rochais, pour une annee de louaige du grenier a scel, le terme escheut le jour de nostre dame de chandelleur mil V^c cinquente et derreniere passee, la somme de vingt livres tournoys. Pource, cy XX l. tournoys.
Dont il a baillé quictance
Verifié

Item, plus receu de maistre Alexandre Blandin, recepveur du domaine du roy, pour une [f° 3] annee du louaige du grenier de la maison de ville, pour l’annee finie le jour de notre dame du moys de janvier mil V^c cinquente, ou l’on mect le blé du roy, la somme de quinze livres touroys. Pource, cy XV l. tournoys.
Verifié

Item, plus receu de Geoffroy Baffoue, fermier de l’apetissement, pour le quartier denier finie a ladite ferme de chandeleur derreniere de la ferme par luy prinse, la somme de quatre vingts dix livres tournoys, comme appert par quictance que luy ay baillee. Pource, cy IIII^xx X l. tournoys.
Dont il a fourny de quictance
Verifié

Item, plus receu de [f° 3v°] Jacques Cousturier, fermier du barraige par luy prins pour le dernier quartier fyny ledit jour de chandeleur derreniere, la somme de douze livres dix solz tournoys dont luy ay baillé quictance. Pource, cy XII l. X s. tournoys.
Verifié

Somme totalle de la recepte de ce present compte quatre cent quarente livres tournoys.

Plus, a esté receu par ledict Carré pour partie du boys du pied d'estrage d’estrac que autre boys qui avoit servy a ladicte entree, comme il est apparu par le menu, la somme de vingt cinq livres six solz cinq deniers tournoys. Cy XXV l. VI s. V d. t.

Somme totale de la recepte la somme de quatre cens soixante cinq livres six solz cinq deniers tournoys.

a. Paragraphe inscrit après la rédaction du compte dans la marge supérieure du feuillet. – b. Mot peut-être mal identifié.