Extraits des comptes municipaux de la ville d'Amboise qui détaillent la recette issue de la location des maisons détenues par la ville d'Amboise
pour financer les préparatifs de l'entrée d'Henri II dans la ville.
[f° 4] Autre recepte faicte par ledict Pelletier des louaiges de la maison de ville pendant que le roy estoit en ceste ville on moys d’avril mil cinq cens cinquente et ung.
Des bateleux qui ont joué en la grant salle par l’espace de vingt jours, la somme de dix livres tournoys, a raison de dix solz tournoys par jour. Pource X l. tournoys
D’un tavernier de court, la somme de quarente six solz tournoys pour avoir tenu la cuysine de ladicte maison de ville par quinze jours. Pource XLVI s. tournoys
[f° 4 v°] Du maistre d’hostel de monseigneur le vidame de Chartres(1), la somme de quinze solz tournoys pour le louaige de trois tables pource XV s. et quatre scelles. Pource XV s. tournoys
D’un aultre tavernier de court, la somme de quinze solz tournoys pour le louaige de deux tables et quatre scelles. Pource XV s. tournoys
Somme treze livres seize solz tournoys.
|