Extraits des comptes municipaux de la ville d'Amboise 
qui détaillent les dépenses générales enregistrées par Jean Pelletier pour l'entrée d'Henri II dans la ville. Deuxième partie.
Pour six livres rouzine aussi baillees ledict jour [f° 11] ausdictz painctres, a raison de dix deniers la livre. Pource IIII s.
Alloué IIII s.
A Jacques Desgoultieres et Estienne Desgoultieres, cieures de longs, neuf solz tournoys de marché faict aidé eulx par Pierre Coqueau, menusier, pour cier des courbes pour servir au pied d’estrac de teastre, comme appert par leur quictance. Pource IX s. tournoys
Est apparu de quictance et parce alloué.
A Denys Rabouyn, charron, la somme de quinze solz tournoys pour avoir par luy monté les faulconneaulx qui ont esté amenez de chez monseigneur De la Guespiere, [f° 11 v°] de pris faict avec ledict Rabouyn par monseigneur le lieutenant et Francoys Goussart, comme appert par le quictance dudict Rabouyn. Pource XV s. tournoys
Idem. Alloué après qu’il est apert de mandement et quictance.
Pour trois livres de cyre neufve baillee ausdictz painctres le cinqme jour de janvier oudict an mil cinq cens cinquante, a raison de six solz six deniers la livre, vallent dixneuf solz six deniers tournoys. Pource XIX s. VI d. XVIII s.
Alloué XVIII s.
Pour six livres de rouzine baillee lesdictz jour et an ausdictz painctres, a la raison de dix [f° 12] deniers chacun livre, comme dessus. Pource IIII s.
Alloué IIII s.
Au garson de Bacinet, painctre, la somme de sept solz six deniers tournoys pour avoir d’une coulleur pour faire le visaige des effigies a chair d’homme, comme ilz disoient. Pource VII s. VI d.
Alloué ut supra.
A Pierre Pynault, farinier, pour ung demy quart boesseau de farine de seigle pour faire des colles ausdictz painctres, vingt deux denyers. Pource XXII d. tournoys
Idem. Alloué.
A cinq hommes qui ont vacqué chacun une journee a despaner [f° 12 v°] le carroy, serrer le pavé, a apporter plusieurs boys de Sainct Thomas servans au pied d’estrach et recouvert icelluy le fondement d’icelluy, a esté payé a chacun deux solz tournoys. Pource X s. tournoys
Alloué ut supra.
A Mathieu Desorges, charron, la somme de quinze solz tournoys pour deux essieulx de charrette par luy fourniz pour mener la grand coulonne du lieu de Sainct Thomas, ou elle a esté faicte, jusques au grand carroy, comme appert par sa quictance. Pource XV s. tournoys
Est apparu de quictance et mandement habito juramento dudit Pelletier, et parce alloué.
A trente hommes qui ont vacqué chacun une journee a ayder aux [f° 13] ouvriers a monter et dresser ladicte coulonne et pied d’estrach, et apporté plusieurs boys dudict Sainct Thomas audict carroy, a esté payé a chacun deux solz tournoys. Pource, cy LX s. tournoys
Alloué ut supra.
Au maistre de Tours, cinq solz tournoys pour pain et vin par luy baillé aux ouvriers et autres personnes ainsi qu’ilz amenoient ladicte coulonne audict carroy, eulx estans devant l’hostel dudict Ours et de La Corne de Cerf. Pource V s. tournoys
Alloué.
A la dame des Loups, quatre solz tournoys pour pain et vin par elle fourny ledict jour que [f° 13 v°] ladicte coulonne fut levee et amener pour donner ausdictz hommes et ouvriers apres icelle coulonne levee, present le procureur de ville. Pource IIII s. tournoys
Alloué.
A Jacques Denerot, pour une pelote de grosse ficelle poisant une livre et demye, a raison de deux solz six deniers tournoys la livre pour ce employé au fait de ladicte entree III s. IX d.
A Jehan Gerbault et Michel Gitonneau, la somme de dix solz tournoys pour douze pelarts dont a esté faict des leviers pour lever et amener ladicte coulonne ; present Guillaume Bouault, [f° 14] l’un des douze de ville qui a marchande ausdictz Gerbault et Gitonneau. Pource X s. tournoys
Idem. Alloué.
A Jehan le Guenays, cinq solz tournoys pour deux exploictz qu’il a faictz pour la ville par le
commandement de monseigneur le lieutenant pour contraindre les recepveurs de cours de payer les ouvriers, comme appert par le mandement, commission et exploict dudict Le Guenays. Pource V s. tournoys
Alloué habito juramento dudit Pelletier.
A Pierre Guillot, dit Le Picart, chartier, huict solz tournoys pour avoir mené et charroyé ung [f° 14 v°] pau et chevalet depuys l’hostel de Guillemyn de La Rue, duquel il a esté achapté jusques au pont de boys ou ilz ont esté mis. Pource VIII s. tournoys
Idem. Alloué.
A ung bathellier qui a mené et serré le boys du pont de La Masse, et mené au cabynet, et a deux hommes qui luy ont aydé, six solz tournoys. Pource VI s. tournoys
Idem. Alloué.
A deux hommes qui ont par plusieurs foys et a dyvers jours serré le boys de dessus les ponts et mené au cabynet [f° 15] et hostel de ville, dix solz tournoys, present le clerc de ville. Pource, cy X s. tournoys
Idem. Alloué.
A ung batellier qui a amené les faulx courceaulx de Villetissart, cinq solz tournoys de marché faict par Francoys Goussart. Pource V s. tournoys
Idem. Alloué.
A ung homme qui auroit porté deux memoires, l’un au curé de Montrichart et l’aultre au curé de Blezé, pour publier et faire scavoir s’il il y avoit aulcuns qui voulsissent venir prendre le reparation des ponts [f° 15 v°] que l’on entendoit faire en ceste ville d’Amboyse suyvant la deliberation de ville qui en auroit esté faicte, a esté payé sept solz six deniers tournoys, tant pour ledict homme que pour lesdictes publications. Pource VII s. VI d.
Idem. Alloué.
Somme vingt quatre livres quatorze solz cincq denyers tournoys.
Notes :
1. Act. comm. de Montrichard , dép. Indre-et-Loire (37). – 2. Act. comm. de Bléré , dép. Indre-et-Loire (37).
