[f°337 v°]
Le mardi XIX^me jour de juillet, l'an mil IIII^c LXI, en l'ostel de la ville, en la presence de honnorable homme Pierre Godeau, lieutenant de monseigneur le bailli de Touraine, et maistre René Dreux, procureur du roy nostre sire oudit bailliage, se sont assemblez :

Les esleuz de ladicte ville et le commis pour les gens d'eglise ;

maistre Pierre Le Roy, vicaire de monseigneur de Tours, et soy representant pour ledit monseigneur de Tours ;

maistre Jehan Panin et ledit maistre Pierre Le Roy, chanoines de l’eglise de Tours, et eulx representans pour le chapictre de ladicte eglise ;

maistre André Dubeuf et maistre Jehan Burdelot, chanoines de l'eglise monseigneur saint Martin de Tours, et eulx representans pour le chapictre de ladicte eglise ;

Pierre Brete, Jaquet Anceaume, Geuffroy Travers, maistre Guillaume Toreau, maistre Guy Farineau, maistre Jaques Dupin, Jehan Garnier, Martin Lopin, Jehan Barbot, maistre Berthelemi Lopin, Clemens Dolart, Jehan Emery, Martin de Poncher, Jehan Briçonnet, Jaquet Sergent, maistre François Bernard, Jamet Chambellan, Pierre Quetier l'aisné, Raoulin Michel, Martin Marquet, Jehan Tremahain, Michau de Mardeaulx, les Jarniers, Jehan Fouassier, Estienne Moisant, maistre Martin De Argouges, Pierre Duret, Jehan Doucalmot, Pierre Hamelin, Jehan de Fougerais, Pierre Saisy, Rogelin Oger, Jehan Peschart, Guillaume de Trisay, Guillaume de Surloire, Adenet Hameroye, Gilet Bouzon, Guillemet Dulion, Michau Le Ront, Jaquet Godeau, Jehan Peliçon, Pierre des Apentilz, Jehan Lucas, Jehan Aubert, Pierre Ferme, Jehan Belac, Jehan Senart, Jehan Boisgaultier,Jehan Hotruau, Jehan Charuau, Guillaume Gilier, Martin de Fouyerais, Jehan de Noisy, Martin Hardoin, Olivier Sainton, maistre Jehan Saintier, Jehan Janvier, Jehan Fouacier le jeune, Jehan Rossart, Jehan Delahaie, Jehan Laillier, Jehan Martin bouchier, Macé Fueillet, Geuffroy Sorny, Jehan Dolart, Jehan Leconte, drapier, Jehan Pichot le jeune, Pierre Fremineau, maistre Jehan Dupuiz, maistre Jehan Bonnart, Pierre Laillier, Guillaume Dreux, Jehan Hameroye, Gilet Perrigault, Jehan Saintier garde, Jehan Chaloux, Jehan Ruzé, Pierre Chaillou, maistre Thomas de Mardeaulx, maistre Pierre de Rennes, Jehan Jarnier, Robert Rapain, Jehan Castellain, Pierre Castellain, maistre Jehan Peslieu, Jehan Lucas, Jehan Suau, Jehan Bodin, Jacob Brigandinier, Gillet Barbee, Gervaise Le Chanteux, Jehan Bauge, Jehan Fame, le grant Robin, André Petitpas, Jehan Gaudin, Guillemin Le Grant, Mathelin Meignee, Julien Beauvarlet, Jehan Baron, Jehan-Bernard de Fondeux, Jehan Pian, Mathelin Fillesoye, Simon Perrault, Gilbert Jehan, Jehan Jourdain, Jehan Milet, Jehan Bougrier, Guion Moreau, Jehan Terre, Pierre Gaigner, Jehan Le Gantier, Jehan Pingart, Jehan Faucheux, Macé d'Atee, Estienne Mondi, Guillaume Cousin, Philipon Lebreton, Pierre Cormier, Guillaume Gaudin, Denis Lepeletier, Jehan Feré, Jehan Guiton, Rostan Chevalier et autres.

Pour adviser ensemble pour ce que on a entendu que le roy Charles est alé de vie a trespas a Mehun-sur-Yevre en Berry qu'il est a faire, et mesmement pour obvier aux doubtes et inconveniens qui pevent ensuir a cause de ce.

A esté deliberé que pour le bien de ladicte ville et des gens d'icelle eut encore quatre esleuz, c'est assavoir Jehan Briçonnet l'aisné, maistre Jehan Dupuiz, Jehan Gaudin, Jehan Galocheau, avecques Gilet de Brion et Pierre Blondelet, esleuz de par avant aux gaiges telz que ont les autres, a paier pro rata temporis.

Et pour conseillier les dessusdiz touchant les affaires de ladicte ville eut XII personnes de ladicte ville, c'est assavoir Jehan Ruzé, Pierre Brete, maistre Jehan Bonnart, maistre François Bernard, Gefroy Travers, maistre Jehan Lopin, Julien Beauvarlet, Piret Castellain, maistre Jehan Peslieu, pour monseigneur de Tours maistre Pierre Le Roy, pour chapictre de Tours maistre Jehan Panin, pour chapictre Saint-Martin maistre André Dubeuf, et ont deliberé que on mectra garde ou chastel de Tours et que on fera le guet sur les murs et la garde de la porte, ainsi que par lesdiz esleuz et conseilliers sera avisé.

[f° 338 r° ]
Et pour la garde du chastel sera mis pour capitaine maistre Jehan Peslieu le jeune, soubz, monseigneur le lieutenant Pierre Godeau ; et soubz ledit capitaine sera aussi mis Guillaume Flan, Jehan Suau, Girard de Pommiers, Jehan Rodin, Macé d’Atee, Robin Rahier, Guillemin Girart, Jehan Le Gantier, Jehan Le Conte mareschal, Robert Rapain, Guillaume Levesque, maistre jehan Charbonneau, Jehan Pingart.