Délibérations des représentants de la communauté des habitants de Tours 
sous la direction du bailli de Touraine, pour organiser la viste du château de Tours et des murailles pour ordonner d'éventuelles réparations, suite à l'annonce du décès de Charles VII.
[f° 338 r° ]
Le mercredi XXe jour de juillet ensuivant IIIIc LXI, en l'ostel de ladicte ville, fut apoincté en la presence Pierre Godeau, lieutenant, etc., et assemblez :
Les esleuz de ladicte ville ;
maistre André Dubeuf, chanoine de Saint-Martin, et soy representant pour chapictre dudit Saint-Martin ;
Jehan Briçonnet, maistre Jehan Dupuiz, Jehan Gaudin, Jehan Galocheau, Pierre Brete, maistre Jehan Bonnart, maistre Françoys Bernard, Julien Beauvarlet, Piret Castellain, maistre Jehan Peslieu, Geuffroy Travers et autres.
Sur quoy fut deliberé que lesdiz Briçonnet, Dupuiz et Peslieu yront ordonner du fait du chastel de Tours et que Gillet de Brion, Pierre Blondelet, esleuz dessusdiz, en leur compeignie Julien Beauvarlet et maistre Jehan Bonnart, yront visiter les murailles et charpentiers et reparacions ladicte ville, et se rendront tous les dessusdiz au tablier de ladicte ville a deux heures apres midi, pour ordonner ce qu'ilz veront estre a faire par raison.
