Délibérations des représentants de la communauté des habitants de Tours 
, dans la rue de la Monnaie, en présence trésorier de France, Pierre Bérard et du lieutenant du bailli de Touraine, au sujet des huisseries et d'une cave, rue de la Monnaie, dépendant de l'hôtel de Katherine de Beaumont, dont la réfection est prise en charge par la ville qui veut refaire le pavé de la rue.
[f° 354 v°]
Le derier jour de juing, l'an mil IIIIc LXII, en la rue de la Monnoye, devant l’ostel Katherine de Beaumont, en la presence de messire Pierre Berart, chevalier, seigneur de Chissé et tresorier de France, maistre Jehan Bernard, juge et lieutenant general de monseigneur le bailli de Touraine :
Jehan Briçonnet, l'un des esleuz de ladicte ville;
maistre Pierre Le Roy, vicaire de monseigneur de Tours et chanoine de l'eglise de Tours, et soy representant pour ledit monseigneur de Tours et pour ladicte eglise ;
maistre Alxis Bouju, soubz doyen, et André Dubeuf, chanoines de monseigneur saint Martin de Tours;
maistre Guy Farineau, procureur du roy, Gilet de Brion, Pierre Brete, (blanc).
Lesquelx ont consenti et deliberé que le viel mur et huisserie de la cave de l'ostel de ladicte Katherine de Beaumont qui entre en la rue de ladicte Monnoye sur le pavé sera abatu du consentement de ladicte Katherine, pourveu que ladicte ville fera faire une autre huisserie au devant de ladicte cave, pour y entrer, faire les degrez et recepez le mur, et abatre ledit mur, et faire faire le pavé au devant dudit huys aux despens de ladicte ville, pour ce que ladicte vielle huisserie empeschoit les alans et venans par ladicte rue a y passer quant il y avoit charrestes au droit, et aussi que s'est l'onneur de ladicte ville.
Options de consultation
